Gajmulú mbiʼi ndrígúlú mu muʼni mba̱a̱ Jeobá

Rí maraxtaa gíʼdoo wéñuʼ numuu. Rí xóo kuwáanʼ nasngájma nguáthá ngájulú kuʼyáá. Xúgínʼ xa̱bi̱i̱ Jeobá nunimi̱jna̱ majmúún dí najmañún mu mbuyamajkuíí Jeobá, bi̱ naʼni makuwáanʼlu (Sl 36:9; Rev 4:11). Mú, xkujndu dí guaʼdáá mámbá mbiʼi ma̱ndoo maʼni rí nuʼni ñajunʼ Dios maguanúu kidíiʼ (Mr 4:18, 19). Ikha jngó, gíʼmaa muraximíjna̱: “Lá na̱xnu̱u̱ Jeobá dí itháan májánʼ ráʼ. (Os 14:2). Lá ñajunʼ dí gúʼdoo narikhoo rí mambaxúʼ ga̱jmu̱ʼ Jeobá ráʼ. Ndiéjunʼ eʼgíʼ mani ga̱jma̱a̱ numuu Dios rá. Xú káʼnii gándoo gátaráʼa itháan rá.” Á mu naku̱ma̱ʼ dí ma̱ndoo matani itháan, atanda̱ʼa̱a̱ Jeobá rí mambáyaʼ matanimbaníí. Rí phú gajkhun: Rí muʼni mba̱a̱ Jeobá xúgíʼ mbiʼi naʼni rí makuwáanʼ tsímáá ga̱jma̱a̱ gagi (Sl 61:8).

ATAYÁÁ VIDEO GAJMAAʼ DÍ NAJMAÑAʼ NÁA JEOBÁ GA̱JMA̱A̱ ATRIʼÑA̱A̱ GRAXE̱ RÍGI̱:

• Náa numuu dí ra̱májánʼ majmulúʼ dí najmañulúʼ náa numbaaʼ ndrígóo Satanás rá. (1Jn 2:17).

• Xkáʼnii naguma tsajkurámiinʼ bi̱ nuxnáá dí itháan májánʼ Jeobá rá.

• Náa ganigua̱ʼ majmaʼ dí najmañaʼ mu matani ñajunʼ Jeobá rá.