XÓO KUWÁANʼ BI̱ NI̱NDXU̱LÚ CRISTIANOS
Mu mbuʼñíinʼ discípulos, ndayóoʼ muʼtáraʼa ga̱jma̱a̱ muʼsngáa
Jesús nikuʼmiin xa̱bi̱i̱ mu musngúún xa̱bu̱ (Mt 28:19). Mu muʼnimbánii kiʼtáñajunʼ rígi̱, ndayóoʼ rí muʼtáraʼa ga̱jma̱a̱ muʼsngáá. Májánʼ gaʼni rí muraximíjna̱: “Xú káʼnii gándoo mani itháan májánʼ ñajunʼ rí masngúún xa̱bu̱ rá.”
NÁA NUʼTÁRAʼA
Xuraʼtíin rí xa̱bu̱ maguwáʼ kanuu náa ikháánʼ, ikháánʼ gíʼmaa mbuʼñíinʼ bi̱ nandún mudxawíín (Mt 10:11). Índo̱ nuʼtáraʼa, lá nuʼthúún asndu xú káʼnii xa̱bu̱ bi̱ nduʼñún ráʼ. (Hch 17:17). Lidia nijmañuu dí gajkhun numuu rí apóstol Pablo niʼtáraʼa májánʼ wéñuʼ (Hch 16:13-15).
“Rí miʼcha̱ atadu tsígáʼ, ga̱jma̱a̱ asndu wakhííʼ xáyáa xa̱ʼ” (Ec 11:6).
NDA̱WA̱Á RÍ NITAYÁÁ VIDEO “XÚNIʼÑÁʼ” RUʼTÁRAʼA: ASNDU NÁA GA̱JMA̱A̱ MÁMBÁ GUʼWÁ, ATRIʼÑA GRAXE̱ RÍGI̱:
Xú káʼnii nisngájma Samuel rí niʼniminaʼ maʼdu tsígáʼ rí gajkhun xúgíʼ mbiʼi rá.
Náa numuu rí ndayóoʼ muʼnimíjná rí muʼtáraʼa asndu xú káʼnii má rá.
Tsíin gándoo gáthu̱u̱n ga̱jma̱a̱ numuu Reino índo̱ nañejunʼ rá.
MUʼSNGÁA
Mu mbuʼñíinʼ discípulos, ra̱ʼkha̱ i̱ndó ndayóoʼ muxnáraʼa i̱yi̱i̱ʼ. Mu xa̱bu̱ muniʼniiʼ Dios, ndayóoʼ rí matangáanʼ guʼñún ga̱jma̱a̱ muʼsngúún numuu Biblia (1Co 3:6-9). Mú, á mu tsiakii rí nuʼni mú muʼsngúún tsegájnun májánʼ rá. (Mt 13:19-22). Guʼnimíjna má xúʼko̱ mu muxkamiin xa̱bu̱ bi̱ májánʼ a̱jkiu̱ún (Mt 13:23; Hch 13:48).
“Ikhúúnʼ ni̱du, Apolos nixtíjyoʼ, mú Dios nini mbaja̱a̱” (1Co 3:6).
NDA̱WA̱Á RÍ NITAYÁÁ VIDEO “XÚNIʼÑÁʼ” RUʼTÁRAʼA: NÁA KUWA MBAʼIN XA̱BU̱ GA̱JMA̱A̱ ÍNDO̱ MUʼSNGÚÚN XA̱BU̱, ATRIʼÑA GRAXE̱ RÍGI̱:
Xú káʼnii niʼnii Solomon ga̱jma̱a̱ Mary mu muxtijyáʼ má xúʼko̱ tsígáʼ rí nidu náa a̱jkiu̱u̱n Ezequiel ga̱jma̱a̱ Abigail rá.
Ndiéjunʼ rí eyóoʼ muʼni índo̱ kuwáanʼ ruʼtáraʼa, mú itháan índo̱ kúwáanʼ náa kuwa mbaʼin xa̱bu̱ rá.
Ndiéjunʼ gíʼmaa muʼni nguáná mu musngajmá rí gíʼdoo numuu dí musngáa rí gajkhun rá.