Gajmañaaʼ marataráʼa májánʼ: Gajmañaaʼ majmaʼ jw.org

NDÍJKHA RÍ GÍʼDOO NUMUU: Xúgíʼ i̱yi̱i̱ʼ rí na̱ʼkha̱ náa caja ndrígóo herramientas naʼthí ga̱jma̱a̱ numuu jw.org. Asndu tarjeta ndrígóo contacto ma̱ngaa tratado Náa gándoo gáxti̱ʼña̱a̱, graxe̱ dí gíʼdoo wéñuʼ numuu dí nuʼnilú rá. Niguma mu xa̱bu̱ matu̱ʼu̱u̱n náa ináa ndrígóo Internet ndrígúlú. Ma̱ndoo majmulúʼ jw.org mu muxuʼmá mbá i̱yi̱i̱ʼ rí na̱ʼkha̱ náa caja ndrígóo herramientas, tséʼniuu á mu náa formato electrónico o náa mbá enlace. Rígi̱ najmaa wéñuʼ índo̱ nuʼtáruʼun xa̱bu̱ bi̱ nuthi i̱ʼwáʼ ajngáa. Nguáná ndayóoʼ muriʼña̱a̱ graxe̱ rí tséʼkha̱ náa i̱yi̱i̱ʼ dí rígá náa caja. Á mu naguaʼnii rígi̱, ga̱jma̱a̱ najmáánʼ najmulú májánʼ ináa ndrígóo Internet ndrígúlú, mambáyulúʼ wéñuʼ náa muʼtáraʼa.

XÚ KÁʼNII GUʼNI:

• 

  Gajmaaʼ sección “ENSEÑANZAS BÍBLICAS”. Mbá xkri̱da, mu maratamíjná ga̱jma̱a̱ mbáa xa̱bu̱ bi̱ naxmiéjunʼ xóo gaʼnimbánii e̱ji̱i̱n, ayuʼ náa ENSEÑANZAS BÍBLICAS > EL MATRIMONIO Y LA FAMILIA.

• Gajmaaʼ sección “MBAʼA I̱YI̱I̱ʼ”. Mbá xkri̱da, á mu xtaa ratamíjná ga̱jma̱ʼ mbáa bi̱ nadxuʼ náa escuela ga̱jma̱a̱ nandaʼ matasnga̱jmáá folleto Naxtiʼña̱a̱ 10 graxe̱ rí nuni jiáma jma̱a̱ wa̱ʼxa̱ʼ, ayuʼ náa MBAʼA I̱YI̱I̱ʼ > MBAʼA LIBRO GA̱JMA̱A̱ FOLLETO.

• Gajmaaʼ sección “GA̱JMA̱A̱ NUMUXUʼ”. Mbá xkri̱da, á mu xtaa ratamíjná ga̱jma̱ʼ bi̱ natiejunʼ ga̱jma̱a̱ nandaʼ maratha̱a̱n mbá chíʼgíʼ numuu creencias ndrígúlú, ayuʼ náa GA̱JMA̱A̱ NUMUXUʼ > GRAXE̱ DÍ NAGUMA MÁ XÚʼKO̱.

NDA̱WA̱Á RÍ NITAYÁÁ VIDEO GAJMAÑAAʼ MAJMAʼ JW.ORG, ATATSAʼWÁMINAʼ NÁA SECCIÓN GA̱JMA̱ʼ RÍ NA̱ʼKHA̱ NÁA INÁA NDRÍGÓO INTERNET NDRÍGÚLÚ MU MARATHA GA̱JMA̱A̱ NUMUU RÍGI̱:

• Mu maratamíjná ga̱jma̱ʼ mbáa bi̱ tsíkumuu kaʼyoo Dios.

• Mu matani̱i̱ a̱jkiu̱u̱n mbáa bi̱ ndiʼkhún nigíʼnuu mbá gamiéjunʼ gakhi̱i̱.

• Mu matambáyii mbáa ndxájulú bi̱ niniñuʼ raʼni ñajunʼ Jeobá.

• Mu maratha xú káʼnii ejma̱a̱ mbújkha̱a̱ náa ñajunʼ ndrígúlú.

• Mu matambáyii mbáa xa̱bu̱ bi̱ na̱ʼkha̱ i̱mba̱ país bi̱ nandoo maʼga̱ náa reunión índo̱ gatanga̱a̱ náa xuajñu.