Ku̱ba̱ʼ “niʼxúu̱ʼ iya mañu”

Mbayuuʼ tsiguʼ, Xa̱bu̱ Ñajunʼ nimbayíí xuajñuu Jeobá mbaʼa nutu (Esd 6:1-12; Est 8:10-13). Asndu rí mbiʼi xúgi̱ nduʼyáá rí “ku̱ba̱ʼ” o xóo muʼthá Xa̱bu̱ Ñajunʼ bi̱ kuwa náa numbaaʼ rígi̱, bi̱ naguánu nakru̱ʼu̱u̱n, ikhiin ni̱ndxu̱ún bi̱ xóo nawán ‹iya mañu› rí naʼni Gixa̱a̱ mu majuixkhún a̱ngiu̱lú (Ap 12:16). Jeobá, nindxu̱u̱ mbáa ‹Dios bi̱ naʼni káwíin›, mbaʼa nuthu naxkaxi̱i̱n Xa̱bu̱ Ñajunʼ mu mumbayíí xuajñuu (Sl 68:20; Pr 21:1).

Mú, á mu ikháán xtaa náa guʼwá ejua̱a̱nʼ ga̱jma̱a̱ numuu fe ndrígáʼ, xámbumaaʼ rí Jeobá xtáa rañewa̱a̱n (Gé 39:21-23; Sl 105:17-20). Fe ndrígáʼ maʼni itháan gújkhúʼ ga̱jma̱a̱ xkri̱da ndrígá mambáñún eʼwíínʼ a̱ngiu̱lú bi̱ kúwi̱i̱n náa xúgíʼ numbaaʼ (Flp 1:12-14; Ap 2:10).

NDA̱WA̱Á RÍ NITAYÁÁ VIDEO A̱NGIU̱LÚ COREANOS NAGÁJNÍIN NÁA GUʼWÁ EJUA̱A̱Nʼ, ATRIʼÑA̱A̱ GRAXE̱ RÍGI̱:

• Ndíjkha rí mbaʼa nutu nixudi̱i̱nʼ guʼwá ejua̱a̱nʼ mbaʼin a̱ngiu̱lú bi̱ kuwa náa Corea del Sur xá.

• Xú káʼnii rí niraʼwi̱i̱ muni Xa̱bu̱ Ñajunʼ niʼni rí a̱ngiu̱lú magajníin náa guʼwá ejua̱a̱nʼ nákha xóó tséjka̱nú mbiʼi rá.

• Xú káʼnii gándoo gumbáñún a̱ngiu̱lú bi̱ kuwa náa xúgíʼ numbaaʼ bi̱ tri̱ʼi̱i̱n náa guʼwá ejua̱a̱nʼ ga̱jma̱a̱ numuu fe ndrígu̱ún rá.

• Xú káʼnii gándoo gajmulú mbiʼi ndrígúlú nákha xóo nandoo rá.

• Tsáa kaʼyoo magruigú gamajkhu ga̱jma̱a̱ numuu rí niraʼwi̱i̱ muni Xa̱bu̱ Ñajunʼ rá.