Xúʼni dí raʼkhí xó má kúwá runi mbaʼin

23:1-3

Náa Xtángoo, Jeobá niʼthún jueces ga̱jma̱a̱ bi̱ ni̱ndxu̱ún testigos rí xúniñami̱jna̱ maguma nduwiinʼ índo̱ gúnimbaníí mbá xkujndu. Jueces ndiyóoʼ rí xúraʼwíin xa̱bu̱ bi̱ mumbañún ga̱jma̱a̱ testigos ragíʼmaa muthi ajngáa dí ragájkhun. Ikha dí naʼthí xúʼgua̱ kidxúúnʼ bi̱ nuni dí ra̱májánʼ mambáyulúʼ mangáanʼ rí mbiʼi xúgi̱ mu xúʼni xó má kúwá runi eʼwíinʼ xa̱bu̱, numuu dí mbaʼin xa̱bu̱ nutsudáanʼ mundxaʼwamíjná ga̱jma̱a̱ muʼni xó má eni ikhiin (Ro 12:2).

Ndíjkha jngó raʼkhí nindxu̱u̱ rí muʼni xó má eni eʼwíinʼ xa̱bu̱...

• índo̱ nuʼdxawíín mbá xtujtaa rá.

• índo̱ nuraʼwíí xtíin rí nuʼgíʼ, rí xóo nuruʼwáá edxu̱lúʼ ga̱jma̱a̱ gitsíin dí nuraʼwíí rá.

• índo̱ nduʼyáá xóo raza ndrígu̱ún eʼwíinʼ xa̱bu̱, rí xóo kúwá, á mu guáʼdáá o raguáʼdáá mbújkha̱a̱ rá.