mwb21 marzo ináa 2
Dí naʼsngúlú náa nikúwi̱i̱n israelitas

I̱yi̱i̱ʼ dí najmulú náa reunión Xóo kúwi̱i̱n ga̱jma̱a̱ xóo Etaraʼa Cristianos 2021

mwb21 marzo ináa 2

GÍʼDOO NUMUU RÍ NA̱ʼKHA̱ NÁA BIBLIA

Dí naʼsngúlú náa nikúwi̱i̱n israelitas

A̱ngiu̱lú bi̱ nijuixtaʼwíin mu muyégun edxu̱u̱ nugíʼ mbá májánʼ xkri̱da xóo gíʼmaa mbuʼyamajkuíí Dios (Nú 7:10; it-1 523 kutriga̱ 7).

Ikháanʼlu bi̱ ni̱ndxu̱lú xa̱bi̱i̱ Jeobá, gíʼmaa muñajunʼ mbá kambáxulú (Nú 7:11; it-2 874 kutriga̱ 1).

Jeobá ndaʼyoo nguáthá eʼngo̱o̱ maʼni mámbáa dí ikháanʼlu (Nú 8:25, 26; w04 1/8 25 kutriga̱ 1).

Xó má Jeobá nigruiga̱ awan náa xuajen Israel nákha ginii, xúʼko̱ má eʼni rí mbiʼi xúgi̱ ga̱jma̱a̱ xuajñuu. Ga̱jma̱a̱ ikhaa xtaa xawii ga̱jma̱á ni̱ndxu̱lú ma̱ngaa ndaʼyoo xúgíʼ tsiakii rí nuʼni mu muʼni ñajuunʼ.

Mbaʼa xtiʼkhuu ndrígu̱ún a̱ngiu̱lú bi̱ kuya̱ edxu̱u̱ náa congregación bi̱ nugíʼ mbá májánʼ xkri̱da náa najuiʼtáraʼa. 1. Mbáa bi̱ kayá edxu̱u̱ ga̱jma̱a̱ mbáa dxámá kúwá ruxudíi silla dí rígá náa guʼwá nagimbáanʼ. 2. Mbáa bi̱ kayá edxu̱u̱ xtáa raʼthún náa gágún gutaraʼa. 3. Mbáa ndxájulú nikhi̱i̱ xtáa ratajkáan náa reunión ndrígu̱ún bi̱ kuya̱ edxu̱u̱.