Arasngáa ga̱jma̱a̱ gagi

Índo̱ nusngajmá rí nadxuu a̱jkiu̱lú náa nuʼtáraʼa, xa̱bu̱ maʼndún itháán mudxawíín. Ma̱ngaa nusngajmá rí nangajulú ajngáa rí na̱jkua̱ kuʼyúlú, rí tséʼniuu má náa eguwaʼlu ga̱jma̱a̱ rí xóo xa̱bu̱ ni̱ndxu̱lú, xúgiáanʼ ma̱ndoo makuwáanʼ gagi (Ro 12:11). Xú káʼnii guʼni rá.

Timbá, atayáá ajngáa dí naratáraʼa gíʼdoo wéñuʼ numuu. Náa Romanos 10:15 naʼthí: Rí ikháanʼ kaʼyulú muʼtáraʼa “ajngáa rí májánʼ”. Ragajma, atatsaʼwáminaʼ xú káʼnii gándoo gámbáyúu ajngáa rí májánʼ xa̱bu̱ bi̱ naratáraʼáá. Ga̱jma̱a̱ ndañúu̱nʼ mudxawíín ajngáa rí najkua kuʼyúlú (Ro 10:13, 14). Ragajtsú, arathá ga̱jma̱a̱ gagi ma̱ngaa atani xnduʼwá inaaʼ ga̱jma̱a̱ atani ñawáanʼ índo̱ gárata.

NDA̱WA̱Á RÍ NITAYÁÁ VIDEO RÍ MUʼSNGÚÚN XA̱BU̱ NAʼNI RÍ MAKUWÁANʼ GAGI. GAJMAÑULÚ MUʼSNGÁA MÁJÁNʼ: GUʼSNGÁA GA̱JMA̱A̱ GAGI, ATRIʼÑA̱A̱ GRAXE̱ RÍGI̱:

• 

  Dí niʼniuu Rita rí mandáti̱go̱o̱ gagi rí maʼnigajmaa ga̱jma̱a̱ Coral xá.

• 

  Dí nimbáyúu Rita mu maʼdxuu a̱jkiu̱u̱n mbu̱júu̱ rá.

• 

  Náá numuu rí gíʼmaa mbuʼyáá rí májánʼ náa bi̱ nuʼsngáá rá.

• Á mu nusngajmá rí kuwáanʼ gagi índo̱ nuʼnigajmaa gajmiúlú mbáa o náa eʼwíinʼ xa̱bu̱, xú káʼnii gándoo gámbañún rúʼko̱ ikhiinʼ xá.