XÓO KUWÁANʼ BI̱ NI̱NDXU̱LÚ CRISTIANOS

Guraʼwíí májánʼ xóo gúʼni ga̱jma̱a̱ iya najnga̱a̱

Xtiʼkhuu video Á mu tségíi̱n iya najngaa, xágíi̱n má. Mbáa a̱bu̱nʼ naʼni iñuuʼ nagájnuu náa copa dí kajni̱ʼ iya najnga̱a̱ dí kayá náa ñawúunʼ xa̱bu̱.

Xúgiáanʼ bi̱ ni̱ndxu̱lú cristiano ndayúlú rí mbuʼyáá awa̱án rí muʼwan iya najnga̱a̱ (Pr 23:20, 29-35; 1Co 6:9, 10). Á mu mbáa cristiano naraʼwíí rí maga̱a̱n iya najnga̱a̱, gíʼmaa maʼni ga̱jma̱a̱ awa̱án. Ma̱ngaa gíʼmaa mbaʼyoo rí xáʼni gawúúnʼ eʼwíinʼ á mu naʼga̱a̱n (1Co 10:23, 24; 1Ti 5:23). Nimbáa ragíʼmaa muʼni tsu̱di̱i̱ mu maga̱a̱n iya najnga̱a̱, itháán bi̱ ni̱ndxu̱ún jiámá.

NDA̱WA̱Á RÍ NITAYÁÁ VIDEO Á MU TSÉGÍI̱N IYA NAJNGA̱A̱, XÁGÍI̱N MÁ, ATRIʼÑA̱A̱ GRAXE̱ RÍGI̱:

Ndíjkha rí xúgiáanʼ bi̱ ni̱ndxu̱lú cristiano gíʼmaa rí muʼnimbulúʼ xtángoo dí rígá náa xuajen ga̱jma̱a̱ numuu iya najnga̱a̱ rá. (Ro 13:1-4).
Náá numuu dí ragíʼmaa muniʼñámijná rí eʼwíinʼ mutsudáanʼ mu muʼwan iya najnga̱a̱ rá. (Ro 6:16).
Xú káʼnii gándoo gúʼni gaʼduunʼ iya najnga̱a̱ rá.