Xú gándoo muruguambá itháán a̱ngiu̱lú gu̱ʼu̱ rá.

Mbaʼa wéñuuʼ rí eni̱ a̱ngiu̱lú gu̱ʼu̱ ga̱jma̱a̱ numuu Reino (Sl 68:11). Mbá xkri̱da, ikhiin nusngúún mbaʼin xa̱bu̱ ga̱jma̱a̱ mbaʼin ni̱ndxu̱ún precursoras regular. Mbaʼin bi̱ nuñajunʼ ga̱jma̱a̱ nuruguambáá náa Betel, xóo misionera, bi̱ nuni guʼwá ga̱jma̱a̱ bi̱ nutajuíi ajngáa. Ga̱jma̱a̱ a̱ngiu̱lú gu̱ʼu̱ bi̱ guájun gujkhuʼ ikhiin phú nuxnún tsiakii bi̱ kúwíin náa guʼwún ga̱jma̱a̱ náa Guʼwá nagimbáanʼ (Pr 14:1). Maski ajndu a̱ngiu̱lú gu̱ʼu̱ xándoo mani̱ndxu̱ún siervos ministeriales o bi̱ muyégun edxu̱u̱, mu ma̱ndoo mugíʼ i̱ʼwáʼ metas rí ma̱ndoo muni. Ikháán bi̱ nindxa̱la gu̱ʼu̱, ndiéjuunʼ xóó gándoo muni ga̱jma̱a̱ numuu Jeobá rá.

• Gunimíjna̱ maguáʼdáá cualidad rí naniguuʼ Dios (1Ti 3:11; 1Pe 3:3-6).

• Gumbañúún eʼwíinʼ a̱ngiu̱lú gu̱ʼu̱ bi̱ xóó tséjmañún májánʼ (Tit 2:3-5).

• Gajmañala mutaraʼa itháán májánʼ.

• Gájmañaaʼ imbo̱o̱ʼ ajngáa.

• Ma̱ndoo mu̱ʼgua̱la náa nda̱ñúunʼ bi̱ mutaraʼa.

• Ma̱ndoo munimajtíí solicitud mu muʼgua náa Betel o mu maruguambáá náa naguma guʼwá.

• Ma̱ndoo munimajtíí solicitud mu muʼgua Náa Najuiʼsngúún bi̱ Nutaraʼa numuu Reino.

NDA̱WA̱Á RÍ NITAYÁÁ VIDEO“GU̱ʼU̱ BI̱ RA̱ʼKHÁ THÁÁN EÑAJUNʼ GA̱JMA̱A̱ NUMUU TÁTÁ”, ATRIʼÑA̱A̱ GRAXE̱ RÍGI̱:

• Xú káʼnii nixnúún tsiakii a̱ngiu̱lú gu̱ʼu̱ bugi̱ rá.