I̱yi̱i̱ʼ dí najmulú náa reunión Xóo kúwi̱i̱n ga̱jma̱a̱ xóo Etaraʼa Cristianos 2022

mwb22 enero ináa 6

GÍʼDOO NUMUU RÍ NA̱ʼKHA̱ NÁA BIBLIA

Gusngajmá ngajua rí jmbu

[Atagrígu video Rí naʼthí ga̱jma̱a̱ numuu Rut].

Noemí niʼthúu̱n Orpá ga̱jma̱a̱ Rut rí matangi̱ín náa Moab (Rut 1:8-13; w16.02 10 kutriga̱ 5).

Rut na̱nguá nindoo maniñuuʼ Noemí ni má Jeobá (Rut 1:16, 17; w16.02 10 kutriga̱ 6).

Xtiʼkhuu rí nakujmaa: 1. Mbáa a̱ʼgú nikhi̱i̱ ga̱jma̱a̱ wáxioo nutamijná gajmiún xa̱bu̱ gajmii náa videollamada. 2. Xa̱bu̱ gajmii nagún kudúún ganitsu náa goʼwóo a̱ʼgú nikhi̱i̱ ga̱jma̱a̱ wáxioo.

Bi̱ gíʼdoo ngajua rí jmbu naʼnimbánuu dí niʼthí maʼni, nawi̱ji̱ jmbu, tséʼni nduwaʼ ga̱jma̱a̱ nandoo kaʼyoo gajkhun mbáa. Jeobá gíʼdoo ngajua jmbu náa xa̱bi̱i̱ bi̱ naguájun jmbu (Sl 63:3). Ikháanʼlu ma̱ngaa gíʼmaa maguaʼdáálu ngajua rí jmbu gajmiúlú eʼwíinʼ (Pr 21:21).