Tsíin nindxu̱ún bi̱ nambájxa̱a̱ʼ gajmiáanʼ náa Internet rá.

Mbáa bi̱ nambájxa̱a̱ʼ ga̱jma̱a̱ʼ májánʼ maxtáa má xúʼko̱ ga̱jma̱a̱ nindxa̱a̱ʼ numuu rí nandoo kaʼyaaʼ. Mbá xkri̱da, nda̱wa̱á rí David niʼngo̱o̱ nixiyáa Goliat, ikhaa ra̱ʼkhá tháán májánʼ nimbájxu̱u̱ ga̱jma̱a̱ Jonatán (1Sa 18:1). Mambáa ndiʼyoo náa rí májánʼ eʼni ndxájuu, rúʼko̱ niʼni rí mambájxuun májánʼ. Ikha jngóo, mu mambájxa̱a̱ʼ májánʼ ga̱jma̱a̱ mbáa, ndayóoʼ matatsiʼníiʼ májánʼ. Mu matani rígi̱ ndayóoʼ mbá tsiakii mba̱a̱ ga̱jma̱a̱ mbiʼi. Mú náa Internet tséʼni má gakhii dí mambájxa̱a̱ʼ gajmiáanʼ eʼwíinʼ numuu rí i̱ndó ndayóoʼ maraxna̱a̱ clic náa naʼthí mataxuʼmá o matrigú solicitud. Náa Internet tséʼni miʼskhoo dí mbáa xa̱bu̱ markaʼwumuʼúun xóo phú nindxu̱u̱ ga̱jma̱a̱ xáʼthí dí eʼwíinʼ nduyáá ga̱jma̱a̱ numuu. Ikha jngóo, atayáá májánʼ tsíin gándoo mambajxáaʼ gajmiáanʼ náa Internet. Xámiñaaʼ rí makiʼnáa dí xatriguíin mbáa xa̱bu̱ bi̱ na̱nguá etatsiniiʼ mu mambájxaaʼ ga̱jma̱a̱ʼ náa Internet. Ga̱jma̱a̱ numuu dí gamíi wéñuuʼ nindxu̱u̱ dí majmaaʼ Internet, mbaʼiin nuraʼwii dí xájmúún mbá kayuuʼ. Á mu ikháán natraʼwíí majmaaʼ, ndiéjunʼ rí gáʼyóoʼ ma̱ta̱ya̱a̱ rá.

NDA̱WA̱Á RÍ NITAYÁÁ VIDEO Á MU NAJMAʼ INTERNET ATIE̱WA̱A̱N XÓO MAJMAʼ, ATRIʼÑA̱A̱ GRAXE̱ RÍGI̱:

• 

  Ndiéjunʼ gíʼmaa ma̱ta̱ya̱a̱ wapháá nákha xóó tsétaxúdanʼ mbá fotiáaʼ o dí gátaniraʼmáʼ náa Internet rá.

• 

  Náá numuu rí gíʼmaa matraʼwíin tsumáá wéñuuʼ bi̱ mambájxa̱a̱ʼ gajmiáanʼ náa Internet rá.

• 

  Náá numuu dí ragíʼmaa ma̱ta̱ya̱a̱ mbayuuʼ wéñuuʼ Internet rá. (Ef 5:15, 16).