Gumbaʼñún bi̱ nuʼsngúún mu mambájxu̱u̱n májánʼ gajmiún Jeobá

Jeobá nandoo dí muʼni ñajuunʼ numuu dí nandulú kuʼyáá (Mt 22:37, 38). Dí nandúún kuyáá Dios bi̱ nuʼsngúún, rúʼko̱ gáxkajxi̱i̱n mu muriʼkumijnáa, maʼngu̱u̱n muraʼníí tsáʼkhá ga̱jma̱a̱ maʼdúún majngún iyááʼ (1Jn 5:3).

Atambáñúún bi̱ narasngúún mu mbuyáá rí Jeobá nandoo kaʼñún. Ma̱ndoo matañu̱u̱n graxe̱ rígi̱: “Ndiéjunʼ eʼsngáa rígi̱ ga̱jma̱a̱ numuu Dios rá. Xú káʼnii esngájma rígi̱ rí nandoo kaʼyaaʼ Dios rá.” Ma̱ngaa atambáñúún mbuyáá xú káʼnii Jeobá xtáa rambáñúún náa vida ndrígu̱ún (2Cr 16:9). Arathún xú káʼnii Jeobá niriʼña̱a̱ dí ikháán niratájkáan ga̱jma̱a̱ atambáñúún mbuyáá rí naʼni Dios mu mariʼña̱a̱ dí ikhiin nutajkáan. Ra̱ʼkhá tháán gáʼdxaaʼ índo̱ gátaya rí bi̱ narasngáá nambájxu̱u̱ ga̱jma̱a̱ Jeobá ga̱jma̱a̱ nandoo kaʼyoo.

NDA̱WA̱Á RÍ NITAYÁÁ VIDEO GUMBAʼÑÚN BI̱ NUʼSNGÚÚN... MAMBAXÚUN GAJMIÚN JEOBÁ, ATRIʼÑA̱A̱ GRAXE̱ RÍGI̱:

• 

  Ndiéjuunʼ xkujndu ndiyóoʼ maraʼnuu Coral.

• 

  Ndiéjuunʼ niʼni Rita mu mambáyúu Coral.

• 

  Ndiéjuunʼ niʼni Coral mu maʼngo̱o̱ maraʼnuu xkujndu rúʼko̱ rá.