mwb23 enero ináa 8
Jeobá gámbáyáaʼ maʼnga̱a̱ʼ matanimbaníí ñajunʼ dí nikhánaaʼ

I̱yi̱i̱ʼ dí najmulú náa reunión Xóo kúwi̱i̱n ga̱jma̱a̱ xóo Etaraʼa Cristianos 2023

mwb23 enero ináa 8

GÍʼDOO NUMUU RÍ NA̱ʼKHA̱ NÁA BIBLIA

Jeobá gámbáyáaʼ maʼnga̱a̱ʼ matanimbaníí ñajunʼ dí nikhánaaʼ

Levitas bi̱ kaʼñúún muñewa̱a̱n xkrugua niguaʼdáá mbaʼa ñajunʼ (1Cr 9:26, 27; w05 1/10 9 kutriga̱ 8).

Nákha nixtáa Moisés, Finehás ninindxu̱u̱ bi̱ kayá edxu̱u̱ náa bi̱ nuñewa̱a̱n xkrugua ndrígóo tabernáculo (1Cr 9:17-20a).

Jeobá nimbáyúu Finehás mu maʼnimbánuu ñajunʼ dí nigiʼdoo (1Cr 9:20b; w11 15/9 32 kutriga̱ 7).

Mbaʼa xtiʼkhu: 1. Mbáa ndxájulú dxáʼgú na̱jkha̱ kayóo maquina náa construcción. 2. A̱ngiu̱lú wanii bi̱ nidamijná nutaraʼa ga̱jma̱a̱ teléfono. 3. A̱ngiu̱lú bi̱ nidamijná nutaraʼa náa ndayóo itháán.

Jeobá naxnúlú mbaʼa ñajunʼ dí gíʼdoo wéñuʼ numuu muʼni. Índo̱ na̱nguá tayáá májánʼ xóo gátani̱ ñajunʼ rúʼko̱, atanda̱ʼa̱a̱ Jeobá dí mambáyáaʼ ga̱jma̱a̱ aratháán mbáa ndxájulú bi̱ ndaʼyoo (Flp 2:13).