XÓO KUWÁANʼ BI̱ NI̱NDXU̱LÚ CRISTIANOS
Xabuanii gusngún e̱jña̱la mu muni̱ rí maʼdxuu a̱jkiu̱u̱n Jeobá
Ejñalaʼ guáʼdáá numún eʼyoo Jeobá. Ikhaa ndaʼyoo xóo ejkha̱ ra̱ja̱a̱ fe, ngajua ndrígu̱ún ma̱ngaa rí naʼngu̱u̱n (1Sa 2:26; Lu 2:52). Asndu e̱ji̱n bi̱ itháán chíjkhíinʼ ma̱ndoo muni̱ rí maʼdxuu a̱jkiu̱u̱n Jeobá ga̱jma̱a̱ rí xóo nindxu̱ún (Pr 27:11). Jeobá najmuu xuajñuu mu xúʼko̱ ma̱ndoo muguaʼdáá xabuanii rí ma̱ndoo musngúún ga̱jma̱a̱ e̱jñu̱ún ma̱ngaa rí munimbu̱ún kuyáá Jeobá.
NDA̱WA̱Á RÍ NITAYÁÁ VIDEO “E̱JI̱N BI̱ TSÉKANAJKÚN NUNI̱ RÍ MAʼDXUU A̱JKIU̱U̱N JEOBÁ”, ATRIʼÑA̱A̱ GRAXE̱ RÍGI:
Xó má ejkha̱ ranújngoo tsiguʼ, xú káʼnii embañún ga̱jma̱a̱ naxnún ikha Jeobá jiámá ga̱jma̱a̱ wa̱ʼxa̱ʼ rá.
Ndiéjunʼ rí kuaʼdáá má rí ma̱ndoo mambáñún xabuanii rá.
Á mu nindxa̱a̱ʼ dxámá o dxáʼgú, xú káʼnii embáyáaʼ rí nigúwíi xuajñuu Jeobá ga̱jma̱a̱ náá numuu rá.