Náa numuu bi̱ nutaraʼa numuu Jeobá nagún mámbá guʼwá rá.

Jesús niʼthún xa̱bi̱i̱: “Guʼgua̱ ga̱jma̱a̱ gusngún xa̱bu̱ bi̱ kuwa náa xúgíʼ xuajin” (Mateo 28:19, 20). Índo̱ ikhaa nikuʼmiin xa̱bi̱i̱, niʼthún rí magún náa guʼwún xa̱bu̱ (Mateo 10:7, 11-13). Nda̱wa̱á rí nikháñu, cristianos bi̱ nikuwa nákha siglo timbá nitaraʼa má xúʼko̱ ajngóo náa “inu apa, jame mbamba gu’hua” (Hechos 5:42; 20:20). Rí mbiʼi xúgi̱ ikháanʼ nduʼyaridáá rí nini timbíi̱n cristianos ga̱jma̱a̱ nduʼyáá rí muʼtáraʼa náa mámbá guʼwá nayambáá wéñuʼ.