Nota

d Marcos 10:17-22: Índo̱ ikhaa nigájnáa mu maʼga̱, mbáa xa̱bu̱ ni̱ʼkha̱ ragáyúu ga̱jma̱a̱ nismbátigo̱o̱ náa inuu ga̱jma̱a̱ nirajxu̱u̱: Májáanʼ Maestro, dí gáʼyóoʼ mani mu maxtáá kámuu mbiʼi rá. Jesús niʼthúu̱n: “Náá numuu rathúnʼ rí mújúnʼ rá. Ndawaa nimbáa bi̱ májáanʼ, i̱ndó Dios. Natatsinúʼ xtángoo: Xataxíyaa xa̱bu̱, xataxuʼdaminaʼ aʼkhá ga̱jma̱a̱ʼ mbáa bi̱ xóó tséyaa, xátani kuʼwáʼ, xárata dí minduwaʼ, xátani dí raʼkhí, atayamajkuíí ana̱ʼ ga̱jma̱a̱ rudaaʼ”. Ikhú xa̱bu̱ niʼthí: “Maestro, xúgíʼ rígi̱ nani asndu nákha chíʼgiúnʼ”. Jesús ndiʼyoo ga̱jma̱a̱ nigáwiinʼ a̱jkiu̱u̱n kaʼyoo ga̱jma̱a̱ niʼthúu̱n: “Rígá mbá rí ndayóoʼ matani: Ayuuʼ, atagu̱jua̱a̱ rí xtaʼdáá, ga̱jma̱a̱ araxnún xa̱bu̱ gíníi, ga̱jma̱a̱ maraʼdáá rí gíʼdoo numuu mekhuíí, ga̱jma̱a̱ ayi̱ tsu̱du̱ʼ”. Mú ikhaa nixtáa gíná ga̱jma̱a̱ numuu rí nijuiʼtháán, nijmúu nijkha, numuu rí gíʼdoo wéñuʼ.