Nota

d Génesis 16:7-13: “Nda̱wa̱á, ángel ndrígóo Jeobá nixka̱ma̱a̱ náa ku̱ba̱ʼ mixooʼ mijngii náa iduu iyaʼ, iduu iyaʼ rígi̱ rígá náa kamba̱a̱ rí na̱jkhá náa Sur. Ga̱jma̱a̱ niʼthúu̱n: “Agar, bi̱ nambáyúu Sarái, náa edxa̱ʼ ga̱jma̱a̱ náa edxu̱ʼ rá.” Ikhaa niriʼña: “Xtáá ragayúʼ numuu rí nixkoʼ Sarái bi̱ nambáyúu”. Ángel ndrígóo Jeobá niʼthúu̱n: “Atanga̱án náa bi̱ natambáyii ga̱jma̱a̱ atatsíñáminaʼ rí ikhaa maʼtáñajuanʼ”. Nda̱wa̱á ángel ndrígóo Jeobá niʼthúu̱n: “Mani rí maʼni mbaʼin wéñuʼ e̱jña̱a̱ʼ. Ra̱ʼkhá tháán mbaʼin gaʼni rí xáʼngo̱o̱ magixnin”. Ángel ndrígóo Jeobá niʼthí xóó: “Ikháanʼ xtáa ewáan mbáa ada̱ nindxu̱u̱ mbáa dxámá. Ismael gáráxna mbiʼí, numuu rí Jeobá niʼdxaun rí nitambiyaʼ ga̱jma̱a̱ numuu gaʼkhu ndrígáaʼ. Ikhaa mani̱ndxu̱u̱ xóo mbáa burro xáná. Maxmíjnaʼ gajmíi̱n xúgínʼ ga̱jma̱a̱ xúgínʼ muxmijná gajmiún. Maxtáa náa inún xúgínʼ a̱ngui̱i̱n”. Ikhú ikhaa niʼthí mbiʼyuu Jeobá, bi̱ xtáa raʼtáminaʼ gájma̱a̱, ma̱ngaa niʼthúu̱n: “Ikháán nindxa̱a̱ʼ mbáa Dios bi̱ ndaʼyoo”. Ikhaa niʼthí rúʼko̱ numuu rí nindxa̱ʼwáminaʼ: ‹Lá gajkhun rí ndi̱yo̱o̱ bi̱ ndaʼyoʼ ráʼ.›”