Nota

h 1 Samuel 25:23-28: “Índo̱ Abigaíl ndiʼyoo David, mbá nacha̱ nigajtaa náa búrriu̱u̱ ga̱jma̱a̱ nismbáti̱go̱o̱ asndu mbayííʼ náa inu David. Ikhú ni̱jkha̱ kanuu náa rajkúu ga̱jma̱a̱ niʼthúu̱n: “Tátioʼ, atagrígúu̱ tsu̱du̱ʼ ikhúúnʼ dí nirígá. Natakháñaʼ rí mataʼtsiʼñuʼ matha̱nʼ. Atadxawíín dí gíʼdoo maʼtháanʼ xa̱bia̱ʼ. Mbá péñu Tátioʼ, xátatsimbaʼ dí niʼthí Nabal. Ikhaa nindxu̱u̱ mbáa xa̱biya̱ bi̱ na̱nguá majkhuu kaʼñún eʼwíinʼ, bi̱ naʼni mba̱a̱ i̱ndó mbiʼyuu ikhaa. Ikhaa mbiʼyuu Nabal ga̱jma̱a̱ nindxu̱u̱ mbáa bi̱ na̱nguá endxa̱ʼóo májánʼ edxu̱u̱. Ikhúúnʼ bi̱ nindxu̱ʼ yumbiáaʼ, na̱nguá ndi̱ñu̱u̱n xa̱bekha bi̱ tátioʼ nikuʼmiin. Rí xúgi̱ tátioʼ, xó má xtáa Jeobá ga̱jma̱a̱ ikháán, Jeobá nindxu̱u̱ bi̱ narikhaaʼ dí xátani xó má eyaaʼ ikháán mu xáraʼdáá aʼkháanʼ dí nitaxídíí eʼdi. Gaʼni rí xa̱bu̱ bi̱ tsíñún gúyáaʼ ga̱jma̱a̱ bi̱ nandún munia̱a̱ʼ dí raʼkhí mani̱ndxu̱ún xóo Nabal. Rí xúgi̱, tátioʼ, atatsíñúnʼ rí xa̱bu̱ bi̱ nadxaʼ gajmiáanʼ mudrigú dí yumbiáaʼ ni̱ʼkha̱ kagu̱u̱ maxnáaʼ. Atani mba̱a̱ a̱jkia̱nʼ mbá péñu á mu yumbiáaʼ niʼnigawáanʼ. Ikhúúnʼ nda̱yo̱o̱ gajkhun tátioʼ, dí Jeobá má gáʼni rí guʼwáaʼ mbajyúuʼ kámuu. Numuu rí ikháán nataxmínaʼ mu matambáyii Jeobá ga̱jma̱a̱ náa xúgíʼ mbiʼi dí niraxtaa tákujmaa nimbá dí raʼkhí náa ikháán.”