Nota

a Maski ajndu bi̱ nidamijná nuni mbá tsiakii muni mba̱a̱ a̱jkiu̱ún kuyamijná ga̱jma̱a̱ munimbaníí xkujndu, á mu mbáa dí ikhiin nabóoʼ ga̱jma̱a̱ imba̱a̱, Biblia naniñuʼ maraʼwíí bi̱ táʼni aʼkhá á mu maʼni mba̱a̱ a̱jkiu̱u̱n kaʼyoo o na̱nguá (Mat. 19:9). Atayáá artículo “El punto de vista bíblico. Adulterio: perdonar o no perdonar”, náa ¡Despertad! 8 ñajunʼ gu̱nʼ agosto tsiguʼ 1995.

NDIÉJUNʼ EYOO GÁʼTHÚU̱N RÁ.

Mbáa xa̱biya̱ májánʼ a̱jkiu̱u̱n: Ndaʼyáridoo Jesucristo. Nanindxu̱u̱ májánʼ a̱jkiu̱u̱n, bi̱ naniñaminaʼ maratha̱a̱n, gua̱ba̱ʼ a̱jkiu̱u̱n ga̱jma̱a̱ nanindxu̱u̱ mbáa xa̱bu̱ gua̱ba̱ʼ
Mbáa a̱ʼgu̱ bi̱ ndaʼyámajkhuu Jeobá: Nambáyúu ajmbio̱o̱ ga̱jma̱a̱ ndayamajkhuu ñajunʼ rí nixnúu Dios náa mbá guʼwíin. Ikha naʼthúu̱n ajmbio̱o̱ rí endxa̱ʼóo edxu̱u̱ ga̱jma̱a̱ rí naku̱mu̱u̱, mu naʼni ga̱jma̱a̱ gamajkhu. Ga̱jma̱a̱ á mu ajmbio̱o̱ naríyaʼ awan rí tsínigu̱ʼ, mambáyúu á mu tsenujngorámuʼ xtángoo ndrígóo Jeobá
Bi̱ kayá edxu̱u̱ náa mbá guʼwíin: Dios nixnúu ñajunʼ rígi̱ xa̱biya̱. Gíʼmaa maxnún rí mu̱phu̱, maxnún guʼwá, xtíin ga̱jma̱a̱ i̱ʼwáʼ rí nda̱ñúnʼ bi̱ kuwa náa goʼwóo. Ma̱ngaa gíʼmaa mambáñun muni ñajunʼ Jeobá