Kíxnuu 5

Bí nambáxu̱u̱n gajmiún Dió makuwá náa ku̱ba̱ʼ mitsaan

Ku̱ba̱ʼ mitsaan xáʼni xóo numbaa xúgi̱. dió taʼndo rí maríga̱ wéñuʼ xkujndu, gaʼkhu̱ jma̱a̱ tsingíná náa tsu̱du̱u̱ numbaa. nda̱wa̱á, dió maʼni̱i̱ mitsaan náa ku̱ba̱ʼ. xú gaʼni̱i̱ rá. guʼyáá rí eʼthi biblia.

Xa̱bu̱ míjínʼ. Náa ku̱ba̱ʼ mitsaan gaʼni guʼún xa̱bu̱ bí nambáxu̱u̱n májánʼ gajmiún Dió. Xa̱bu̱ bugi̱ ki̱nikhiin gunimijna rí májánʼ, makuwá xó má e̱nda̱ʼa̱ kambo̱o̱ jmbuu ndrigóó Jeobá (Proverbios 2:21).

Marígá wéñuʼ ganitsu. Ná ku̱ba̱ʼ mitsaan, nimbáá náa xaʼniu ewiʼ. Ná ajngáa raunʼ Dió naʼthi: «Naxakaminuʼ ri maxkidxu̱u̱n, ni naxakandaunʼ» (Ri huasjŋgajma Juan [Apocalipsis] 7:16).

Guʼwá májánʼ ga̱jma̱a̱ ñajunʼ tsímáá. Mbá guʼwíín xa̱bu̱ maguaʼda guʼún náa ku̱ba̱ʼ mitsaan, mangoo xúgínʼ xa̱bu̱ maguaʼda mbóó ñajunʼ rí maʼniún makuwíín tsímáá (Isaías 65:21-23).

Tsímáá xúgíʼ numbaa. Nági̱ʼ gagiʼdu̱u̱n xa̱bu̱ ndu ná xakañun ná eríga̱ agu̱ʼ. Náa ajngáa raunʼ Dió naʼthi: «[Dió] maʼnigambáá xúgíʼ ná eríga̱ agu̱ʼ» (Salmo 46:8, 9).

Májánʼ gakuwanʼ. Ajngáa raunʼ Dió naʼthi rí nimbáá xa̱bu̱ bí xtáa náa [ku̱ba̱ʼ mitsaan] na xaʼti. Nandoo káñuʼ (Isaías 33:24). Ajndu má xakuwíín xa̱bu̱ guʼxuʼ, bí tsiyexi bí tsedxuun bí tsethi (Isaías 35:5, 6).

Ná xarígá ga̱jmá, gaʼkhu̱, xakañulúʼ. Ná ajngáa raunʼ Dió naʼthi: «Ga ri niʼkan naxaríga̱ ná ikhíínʼ, ní rí xtambiyaʼ, ní rí gisaguaska, ní ga̱ʼku̱; numuu xogiʼ rí neríga̱ nákha gini, nangua ra» (Ri huasjŋgajma Juan 21:4).

Ná xakuwi̱i̱n xa̱bu̱ ra̱míjínʼ. Jeobá naʼthi maʼni rígi̱: «Xa̱bu̱ bí nuniskidimijná [ra̱míjínʼ], maxaʼni a̱ʼtiu̱nʼ kayo̱o̱ xa [...]. Su nakua squidiʼlu rí su kuwa mambi̱i̱nlu» (Hebreos 10:38, 39).

Xa̱bu̱ maʼndún kuyamijná wéñuʼ, ki̱nikhiin guyamajkumijná. Ní xarígá rí ra̱májánʼ ná xakuwíín xa̱bu̱ bí muniánʼ dí raʼkhí, ni xarígá tsixigú, náa xawiñunʼ kuyamijná. Mbó kambaxu̱u̱n gakuwi̱i̱n xa̱bu̱, mukuwíín muni xó e̱nda̱ʼa̱ náa kambo̱o̱ jmbuu ndrigóó Dió (Isaías 26:9).