Xú káʼnii gándoo gúʼthá rí nuʼnimbulúʼ ga̱jma̱a̱ numuu tsiguʼ 1914 rá.
Náa Escritura naʼtulúʼ makuwáanʼ xawii mu muriʼña̱a̱ rí eʼnimbulúʼ, mú ‹ganindxu̱lú xa̱bu̱ wabaʼ índo̱ gúriʼña̱a̱ ga̱jma̱a̱ gaguaʼdáá gamajkhulúʼ› (1 Ped. 3:15). Nguáná naʼni mingíjyúuʼ muʼthá tikhuu kiʼsngáa rí na̱ʼkha̱ náa Biblia, mbá xkri̱da, xú káʼnii eʼyáá rí Reino nigíʼdu̱u̱ raʼtáñajunʼ nákha tsiguʼ 1914 rá. Mu mambáyulúʼ, niguma májáánʼ a̱jma̱ níʼkhóo rí nagumbiʼyuu: “Índo̱ naratámíjná ga̱jma̱ʼ mbáa bi̱ naʼtáraʼa numuu Jeobá: Nguáná nigíʼdu̱u̱ raʼtáñajunʼ Reino ndrígóo Dios rá.” Rí na̱ʼkha̱ raʼthí náa La Atalaya rí muxnaxí índo̱ gúʼtaraʼa gu̱nʼ octubre ga̱jma̱a̱ noviembre. Índo̱ gátraxnuu, atatsaʼwáminaʼ graxe̱ rí tima gi̱jyooʼ rí xú káʼnii niʼni Julio bi̱ nindxu̱u̱ publicador.
Xú káʼnii...
... ndiyááʼ rí maʼthúu̱n xa̱bu̱ ga̱jma̱a̱ niʼthúu̱n dí májánʼ niʼni xá. (Hech. 17:22.)
... niʼthí rí ikhaa eʼnimbo̱o̱ rí asndu táʼnimbamínáʼ xá. (Hech. 14:15.)
Ndíjkha rí ninindxu̱u̱ májánʼ rí...
... nákha xóó tsínújngoo imbo̱o̱ punto, maʼthí lájuíin rí ndiyáá nákha ginii xá.
... nguáná majmuu graxe̱ mu mbaʼyoo á mu Ernesto nakro̱ʼo̱o̱ rí xtáa raʼthúu̱n xá.
... táʼyoo mba̱a̱ wéñuʼ i̱yi̱i̱ʼ náa timbá aʼphu̱ rí ni̱jkha̱ gáʼyoo xa̱bu̱ xá. (Juan 16:12.)
Ra̱ʼkhá tháán exnáa núma̱aʼ Jeobá, bi̱ Naʼsngúlúʼ Májánʼ wéñuʼ, nambáyulúʼ muʼthá tikhuu kiʼsngáa rí na̱ʼkha̱ náa Biblia náa xa̱bu̱ bi̱ nandún majmañún (Is. 30:20).