Araxnáá tsiakii mbáa cristiano bi̱ niniñuʼ raʼni ñajunʼ Jeobá

Martes 11 ñajunʼ gu̱nʼ abril mbaʼin cristianos bi̱ niniñaaʼ runi ñajunʼ Jeobá magún náa Conmemoración. Maski ajndu ikhiin nigi̱ʼdi̱i̱ nigañún náa carrera rí na̱jkha̱ kagu̱u̱n makuwá, niniñaaʼ runi ñajunʼ rígi̱ ga̱jma̱a̱ mbaʼa numuu, xó má rí naʼthí náa folleto Jehová desea que vuelva (Heb 12:1). Mú xa̱bu̱ bugi̱ guáʼdáá wéñuʼ numún náa iduu Jeobá, numuu rí ikhaa niʼtsi̱i̱n ga̱jma̱a̱ eʼdiu A̱ʼdióo (Hch 20:28; 1Pe 1:18, 19). Xú káʼnii gumbáñuun mu matangi̱i̱n náa congregación xá.

Bi̱ kuya̱ edxu̱u̱ náa congregación nugíʼ nutamijná gajmiún a̱ngiu̱lú bi̱ niniñaaʼ runi ñajunʼ Jeobá ga̱jma̱a̱ mumbañún, xó má eʼni mbáa báxtúu bi̱ naʼni tsiakiminaʼ mbañíínʼ mugiu̱u̱ bi̱ nitsíngumijna náa eʼwíínʼ mugu̱ (Lu 15:4-7). Rígi̱ nasngájma rí Jeobá naxmiéjunʼ kaʼñún (Jer 23:3, 4). Mú raʼkháa i̱ndó bi̱ kuya̱ edxu̱u̱ ma̱ndoo muxnún tsiakii a̱ngiu̱lú bugi̱; xúgiáanʼ ma̱ndoo muʼnilú. Xúgíʼ rí gúʼni mu musngajmá ngajua ga̱jma̱a̱ rí nandulúʼ kuʼñúún manigu̱ʼ wéñuʼ Jeobá ga̱jma̱a̱ xánindxu̱u̱ ndíí (Pr 19:17; Hch 20:35). Ikha jngó, atatsaʼwáminaʼ ga̱jma̱a̱ numuu mbáa bi̱ ma̱ndoo maraxna̱a̱ tsiakii ga̱jma̱a̱ atani nacha̱.

ATAYÁÁ VIDEO GUXNÚÚN TSIAKII BI̱ NINIÑAAʼ RUNI ÑAJUNʼ JEOBÁ GA̱JMA̱A̱ ATRIʼÑA̱A̱ GRAXE̱ RÍGI̱:

• Ndiéjunʼ niʼni Abbey índo̱ nininiʼ mbáa ndxájulú bi̱ niniñuʼ raʼni ñajunʼ Jeobá rá.

• Náa numuu rí gíʼmaa muʼthúún bi̱ kuya̱ edxu̱u̱ á mu nundxa̱ʼwáá edxu̱lúʼ mumbayíí mbáa bi̱ niniñuʼ raʼni ñajunʼ Jeobá rá.

• Xú káʼnii niʼnirataminaʼ Abbey nákha xóó tséjkha̱ gáʼyoo Laura rí maʼni a̱jma̱ nuthu rá.

• Xú káʼnii Abbey niʼngo̱o̱ a̱jkiu̱u̱n, nigiʼdoo ngajua ga̱jma̱a̱ tániñuʼ rambáyúu Laura índo̱ nixnúu tsiakii xá.

• Ndiéjunʼ eʼsngúlúʼ xkri̱da ndrígóo Jesús náa Lucas 15:8-10 rá.

• Ndiéjunʼ nirígá índo̱ xúgínʼ nini mbá tsiakii mu mumbayíí Laura rá.