Referencias ndrígóo I̱yi̱i̱ʼ dí najmulú náa reunión
5-11 MARZO
GÍʼDOO NUMUU RÍ NA̱ʼKHA̱ NÁA BIBLIA | MATEO 20, 21
“Indo tsi mago maʼnembaminaʼ naʼ inaʼla, tsuʼkue tsi majma naʼ inaʼla”
(Mateo 20:3) Xo mba mijnaguhuaʼ hora ri miʼcha nike gaʼñi ñumba, aʼkue ndiʼñu iʼhuin tsi nda ri ini trami xua;
nwtsty multimedia
Náa xuáá
Tikhu xuáá, xóo rí nakujmaa náa xtiʼkhu, nundri̱ga̱ náa xúgíʼ rawunʼ kamba̱a̱. Nguáná nustiga xúgíʼ rí kuda. Ikha jngó xúgínʼ xa̱bu̱ bi̱ kuwa ikhí nutsi xúgíʼ rí ndaʼyóoʼ náa guʼwá, xóo daan rí naguma ga̱jma̱a̱ ku̱ba̱ʼ, rí naguma ga̱jma̱a̱ cristal rí minumuu ga̱jma̱a̱ xndú taun. Numuu rí ndaa náa muraxi̱i̱, ikha jngó tsejtsi nagún gutsi náa xuáá. Ikhí nudxawíín xúgíʼ rí narígá dí nuthi bi̱ nagujua̱ ga̱jma̱a̱ eʼwíínʼ bi̱ naguwáʼ tsínguáʼ. Xóo má e̱ji̱n nutsíin, ga̱jma̱a̱ bi̱ raguáʼdáá ñajunʼ nagún guguaʼthuun ikhí bi̱ muxnún ñajunʼ. Índo̱ Jesús xtaa náa xuáá ikhí niʼni thanún mbaʼin xa̱bu̱ ga̱jma̱a̱ Pablo ikhí niʼtáraʼa (Hch 17:17). Mú bi̱ ni̱ndxu̱ún escribas ga̱jma̱a̱ fariseos ikhiin nanigu̱u̱nʼ muni mbaʼumíjna̱ ga̱jma̱a̱ rí mbuʼyamajkún.
(Mateo 20:20, 21) Aʼkue ri nijuʼmaminaʼ aʼgüi Zebedeo gajmi ijin, aʼkue nisjmatigosmuʼun naʼ inu Jesús nindoʼo mba iyangajua. 21 Aʼkue ri Jesús niʼtun: ¿Nala ri ¡yaʼ-ra? Aʼkue ri aʼgo tsuʼkue niʼtan: Aratañajun ri naʼ ri naratañajun Ikan matriguin ijinʼ, mba aguiʼi naʼ nijñu majanʼ, jame imba aguiʼi naʼ nijñu xtiyaʼ.
nwtsty notas rí muʼnigajmaa náa Mt 20:20, 21
rudún e̱ji̱i̱n Zebedeo: Xóo mutha, ru̱dúu̱ apóstol Santiago ga̱jma̱a̱ Juan. Xóo má naʼthí náa Marcos, rí Santiago ga̱jma̱a̱ Juan nixuʼmamijná náa Jesús. Nakujmaa kaʼwu rí ikhiin nindúún mbuyáá, mú nitháán rudún rí maʼthúu̱n Jesús, Salomé, mbáa ikhaa ninindxu̱u̱ niñúu Jesús (Mt 27:55, 56; Mr 15:40, 41; Jn 19:25).
mbáa gági̱ʼi̱ náa ñawun majan ga̱jma̱a̱ i̱mba̱ gági̱ʼi̱ náa ñawun xti̱yaaʼ: Nakujmaa rí náa nájma̱ nijñuu nindxu̱u̱ mu miʼtáñajunʼ. Mú bi̱ itháán magiʼdoo numuu nindxu̱u̱ bi̱ magiʼi ñawun mújuunʼ (Sl 110:1; Hch 7:55, 56; Ro 8:34).
(Mateo 20:25-28) Aʼkue ri Jesús nindxaʼun, niʼtun: Nduyama-la ri xabo ñajun tsi guinu nutañajun naʼ mbamba numba, ikin itaña-juinʼ gajma ñajun ri guaʼda asjndo xo ri nandun naʼ numba. 26 Indo naʼ majñaʼla ikanʼla maxaʼne xkuaʼni, indo tsi mago maʼnembaminaʼ naʼ inaʼla, tsuʼkue tsi majma naʼ inaʼla. 27 Jame tsi gago manindxo ri guini naʼ majñaʼla, tsuʼkue manindxo tsi nutañajuinla. 28 Xo Ade Xabo, taʼke ri magumambaʼhui, xabo niʼke gaʼnembaʼun, jame maxne ri ndaʼye gajma, numu ri maʼtsihuin mbaʼin xabo.
nwtsty notas rí muʼnigajmaa náa Mt 20:26, 28
bi̱ nañambáá: O bi̱ “nañajunʼ”. Náa Biblia najmaa má xúʼko̱ ajngáa griega diákonos mu maʼthí ga̱jma̱a̱ numuu mbáa bi̱ nambáñun eʼwíínʼ. Ajngáa rígi̱ najmaa mu miʼtá xóo nindxu̱u̱ Jesucristo (Ro 15:8), ma̱ngaa bi̱ numbayíí Cristo (1Co 3:5-7; Col 1:23) ga̱jma̱a̱ siervos ministeriales (Flp 1:1; 1Ti 3:8), ga̱jma̱a̱ bi̱ nuyambáá náa mbá guʼwá (Jn 2:5, 9) ma̱ngaa bi̱ numbañún xa̱bu̱ ñajunʼ (Ro 13:4).
na̱nguá ni̱ʼkha̱ mu mumbayíí ni̱ʼkha̱ mu mayambáá: O “taʼke ri magumambaʼhui, xabo niʼke gaʼnembaʼun”.
Guʼyááʼ rí gíʼdoo numuu
(Mateo 21:9) Xabo tsi nago guinu, gajma tsi nago tsudi, nindxaʼhua nitan: ¡Pu-hua ñajun Ade David! ¡Huamatsakuhuin tsi naʼka gajma mbiʼyu Jeobá! ¡Aguma ri hua mikui!.
nwtsty nota rí muʼnigajmaa náa Mt 21:9
Nutakháñaʼxu rí matani káwáanʼxu: Nindxu̱u̱ “Hosanna”. Ajngáa griega rígi̱ na̱ʼkha̱ náa ajngáa hebrea rí nandoo gáʼthúu̱n “nutakháñaʼxu rí matani káwáanʼxu” o “mbá péñu atani káwáanʼxu”. Najmaa mu miʼtákañii Dios mu maʼni káwíin o mu maʼngu̱u̱n náa muxmijná. Ma̱ngaa ma̱ndoo miʼtájuíi xóo “mbá péñu, atani kríyaaʼ”. Nda̱wa̱á ajngáa rígi̱ nijmaa náa nutajkháan ga̱jma̱a̱ náa nuni ajmúú. Rí nigumaraʼmáʼ náa ajngáa hebrea nakujmaa náa Salmo 118:25, Salmos ndrígóo Hallel ajmúú rí nuni índo̱ narígá Pascua. Ikha jngó, xa̱bu̱ nixkaxi̱i̱n mu muthi ajngáa rúʼko̱ nákha ikhú. Mbá rí xóo Dios niriʼña̱a̱ rí maʼni kríyaa a̱ʼdióo David nindxu̱u̱ rí niʼniga̱bi̱i̱. Náa Mateo 21:42, Jesús niʼthí rí kiʼniraʼmáʼ náa Salmo 118:22, 23 mu maʼthí numuu Mesías.
A̱ʼdióo David: Ajngáa rí naʼkhunʼ náa ni̱ʼkha̱ Jesús ga̱jma̱a̱ ñajunʼ rí maʼni Mesías bi̱ nijuiʼthá ma̱ʼkha̱.
(Mateo 21:18, 19) Huatsi miʼcha nitanga niʼka Jerusalén, aʼkue nixkidxu. 19 Ndiʼyo mba ixi higo huiji mijngui naʼ raun jamba, aʼkue ri nike naʼ huiji ixi higo, asjndo nimba xndu taxkama, ri indo inu jagu, aʼkue niʼtun: Asjndo ni imba miʼtsu naxajma xndaʼ. Nuko nijndo ixi higo ruʼkue.
jy-S ináa 244 kutriga̱ 4-6
Najmuu mbá ixi̱ higo mu maʼsngáa ga̱jma̱a̱ numuu fe
Náa numuu rí Jesús niʼni mujndoʼ ixi̱ higo rá. “Aʼkue ri Jesús niʼtun: Gako ri natanʼla, xi maguaʼdala fe, maxaʼne ajma akianʼla, raʼka indo ruʼkue mago muñila ixi higo, ri asjndo juba rigueʼ mago mutanla: Arraxo guejio, ayu gataxpatuanʼanminaʼ aun mar, jame xkuaʼni gaʼne. Mba xugui ri mundaʼala gajma tsakun, xi najumaʼla juya Dios, majanaʼla” (Mateo 21:21, 22). Ikhaa xtáa raʼthí mbu̱júu̱ ga̱jma̱a̱ numuu rí nisngáa má, rí fe maʼngo̱o̱ maʼba̱a̱n kúbá (Mateo 17:20).
Índo̱ Jesús nini mujndoʼ ixi̱, ikhaa nindoo maʼsngáa rí ndayóoʼ maguaʼdáá fe náa Dios. “Ikajngo natan’la, asjndo na ri mundaʼala gajma tsakun, aguihuan’ akian’la ri mudrigula, majana’la”, ikhaa naʼthí rí ma̱ndoo (Marcos 11:24). ¡Rakha tháán gíʼdoo numuu rígi̱ náa bi̱ nagún tsu̱du̱u̱! Mú itháán náa apóstoles ndrígóo numuu rí muraʼníí xkujndu mba̱ʼu̱. Mú rígá imbo̱ʼ rí nambánii rí nijndoʼ ixi̱ higo ga̱jma̱a̱ fe.
Xóo má ixi̱ rúʼko̱, rí xtaa ragíʼnuu xuajen Israel na̱nguá nindxu̱u̱ xóo rí nakujmaa. Ikhiin nimbánun gajmiún Dios ga̱jma̱a̱ nakujmaa rí nunimbánii Xtángoo, mú nisngajma rí ndañúunʼ itháan fe ga̱jma̱a̱ rí tséjmiin muni rí májánʼ. ¡Asndu táʼnduun guyáá A̱ʼdióo Dios! ikha jngó índo̱ niʼni mujndoʼ ixi̱ higo rí ndaa xndú, Jesús nisngajma xóo gágíʼnuu xuajen rúʼko̱, rí tséʼni dí májánʼ ga̱jma̱a̱ ragíʼdoo fe.
Migixnuu Biblia
(Mateo 20:1-19) Numu ri ri naʼtañajun tsi xta mikui xo jaʼni mba xabo anu xabo tsi mba guʼhuin jaʼni, tsi nigajnu miʼcha nika gaʼñi ñumba tsi murrutun uva naʼ mbayu. 2 Rido niʼku ri niʼtaminaʼ gajmi ñumba ri mudaʼ mbo mbuka denario mba mbiʼi, aʼkue ri nijuʼmi nigo gurrutun uva naʼ mbayu. 3 Xo mba mijnaguhuaʼ hora ri miʼcha nike gaʼñi ñumba, aʼkue ndiʼñu iʼhuin tsi nda ri ini trami xua; 4 aʼkue niʼtun: Aʼgua manganʼla gurrutun uva naʼ mbayuʼ, manenumaʼmala xoma ri naganaʼyo. Aʼkue nigo xabo tsuʼkue. 5 Aʼkue nika mbuju xabo tsuʼkue gaʼñi ñumba, inu maʼne huakaʼ, xuʼkue-ma niʼni ri tiriatsu hora ¡gata akaʼ ri huaki. 6 Tihuitsu hora ri huaki nike mbuju, aʼkue nixkami iʼhuin tsi nda ri ini, niʼtun: ¿Narijngo ri jañi mbiʼi tramaʼla guejio nda ri inila-roʼ? 7 Aʼkue nitan: Numu ri asjndo nimba xabo taʼtanʼxoʼ ri mumbayixoʼ, aʼkue niʼtun: Aʼgua manganʼla gurrutunla uva naʼ mbayuʼ, manenumaʼmala xoma ri naganaʼyo ri mudaʼla. 8 Rido nika raʼne jina, aʼkue ri señor tsi mbayu niʼtun tsi narrutun ñajun ri muni ñumba: Atatsaʼhuan ñumba jame asnumila ri niñajuinʼ, ataguiʼdi masnumi tsi niguaʼnu tsudi-jayi, asjndo tsi niguaʼnu guinu. 9 Rido niguhuanʼ tsi nigo tihuitsu hora ri huaki, mbo denario nida mbamba. 10 Rido niguhuanʼ manguin tsi nigo guinu-jañi, aʼkue nindxaʼhuamijne ri ihua mba gudaʼ. Mbo denario nida mbamba xabo tsuʼkue manguin. 11 Rido huamba nida numu, aʼkue nitangu’huamijne numu anu xabo tsi mba guʼhuin, 12 nitan: Tsi niguaʼnu tsudi-jayi guejio, mba hora xaʼni niñajuinʼ, jame xoma ri nisnumaʼxoʼ tsanʼxoʼ ihua gake niñajunxoʼ jame mika ndiyaxoʼ, xkuaʼni-ma nisnumu manguin. 13 Xoma ika niʼtun mba tsi ikin: Migo, tsiniguinamaloʼ, ¿a raʼka niʼku-ma ri niʼtamijnalo ri mbo denario matadaʼ-dxeʼ? 14 Aya numaʼ, ayuʼ, ikun iyoʼ ri maxnu tsi nitoʼo ndahua-jayi xoma ri nixnaʼ ikan. 15 ¿An tsuʼka mañu xo ri nandoʼ ri guʼdoʼ-dxeʼ? ¿o naxiguaʼ-xtayoʼ, numu ri mujun-dxe? 16 Ikajngo, tsi guinu, tsuʼkue manindxun tsudi-jayi, xoma tsi tsudi-jayi, manindxun guinu. Mbaʼin tsi huatsaʼun, jame rambaʼin tsi huaxtaʼhuin. 17 Aun-ma ri xta Jesús jamba natsimu naka Jerusalén, aʼkue niguhuin jani tsi mba guhuaʼ-ejma-mu gajmi naʼsjngun, niʼtun: 18 Jenla guejio itsimaʼlo nakualo Jerusalén, iki miʼxnaxi Ade Xabo naʼ inu dxakun tsi ñajun xabo idi, gajma naʼ ¡nu tsi nusjnga xtangao Moisés, jame muni ri mbayaminu asjndo majañu. 19 Muxnaxi naʼ inu xabo gentiles, mutsijma, muxpatin, jame muduma naʼ ixi̱. Rido maganu riatsu mbiʼi aʼkue ri mbaʼya.
12-18 MARZO
GÍʼDOO NUMUU RÍ NA̱ʼKHA̱ NÁA BIBLIA | MATEO 22, 23
“Guʼnimbánii a̱jma̱ rí itháan gíʼdoo numuu”
(Mateo 22:36-38) Maestro, ¿nala ri mapu-ihua mba iʼtañajun Dios naʼ xtangao Moisés-ra? 37 Aʼkue ri Jesús niʼtun: Gaʼne mba jañi-jayu akianʼ xtaya Señor Diaʼ, jame mba jañi-jayu nimiaʼ, jame mba jañi-jayu jumaʼ. 38 Rigueʼ ri mapu-guini, jame mapu-ihua mba ri naʼtañajun Dios.
nwtsty nota rí muʼnigajmaa náa Mt 22:37
a̱jkiu̱lú: Ajngáa rígi̱ nandoo gáʼthún rí xóo xa̱bu̱ ni̱ndxu̱lú. Mú índo̱ na̱ʼkha̱ mbó ajngáa “tsiakii ndrígúlú” ga̱jma̱a̱ “ku̱ma̱”, ikhú nandoo gáʼthún itháán rí nundxa̱ʼwa̱míjna̱, rí nandulúʼ muʼni ga̱jma̱a̱ rí naku̱mu̱u̱ mbáa xa̱bu̱. Mbá ajtsú ajngáa rí najmaa gi̱i̱ (a̱jkiu̱lú, tsiakii ndrígúlú ga̱jma̱a̱ ku̱ma̱) na̱nguá nindxu̱u̱ mixtiʼkhu; nambánii ga̱jma̱a̱. Xúʼko̱ nasngájma rí naʼndulú kuyáá Dios gíʼmaa maʼni káxi̱.
tsiakii ndrígáʼ: O “xúʼgíʼ a̱jkia̱a̱nʼ”.
ku̱ma̱: Xóo muʼthá, mbáa xa̱bu̱ ndayóoʼ mandxa̱ʼóo májánʼ edxuu mu maniniiʼ Dios ga̱jma̱a̱ rí maʼndoo kaʼyoo má xúʼko̱ (Jn 17:3; Ro 12:1). Náa Deuteronomio 6:5, náa texto hebreo rí kiʼni ginii najmuu ajtsú ajngáa: A̱jkiu̱lú, ku̱ma̱ ga̱jma̱a̱ tsiakii ndrígúlú. Mú náa ajngáa griego nijuiʼtájuíi náa Mateo, naʼthí “ku̱ma̱” xóo “tsiakii rí kuaʼdáálu”. Rígá mbaʼa numuu rí niguma xúgi̱ káʼnii. Rí timbá numuu nindxu̱u̱, náa ajngáa hebreo rí nirígá nakha wajyúúʼ ndaa mbá ajngáa rí muthi “ku̱ma̱”, ikha jngó kagujtuminaʼ ga̱jma̱a̱ ajngáa “a̱jkiu̱lú”. Mú índo̱ najuiʼthá ga̱jma̱a̱ a̱jma̱ numuu ajngáa rígi̱ nandoo gáʼthún rí xóo xa̱bu̱ ni̱ndxu̱lú rí awúu̱n rí kagujtuminaʼ ga̱jma̱a̱ rí nundxawamijna, rí nakumulú ga̱jma̱a̱ rí xóo nuʼni (Dt 29:4; Sl 26:2; 64:6; atayáá nota rí muʼnigajmaa ga̱jma̱a̱ numuu a̱jkiu̱lú náa versículo rígi̱). Ikha jngó náa texto hebreo najmuu ajngáa a̱jkiu̱lú, náa Septuaginta griega najmuu ajngáa ku̱ma̱ (Gé 8:21; 17:17; Pr 2:10; Isa 14:13). I̱mba̱ numuu nindxu̱u̱ rí Mateo nijmuu ajngáa griega mu maʼthí “tsiakii ndrígáʼ” índo̱ niʼthí ga̱jma̱a̱ numuu Deuteronomio 6:5 ikhí ajngáa hebrea rí najuiʼtájuíi xóo “tsiakii ndrígáʼ” ma̱ndoo maʼni tsiakii rí kuaʼdáá o rí najmáanʼ nundxa̱ʼwa̱míjna̱. Asndu xú kaʼnii má, rí nandoo gáʼthúu̱n ajngáa rúʼko̱ nambánii náa ajngáa hebreas ga̱jma̱a̱ griegas ma̱ngaa nañambáá mu masngájma náa numuu rí tajmún ikháá ajngáa bi̱ niniraʼmáʼ evangelio índo̱ nitariyaʼ rí naʼthí náa Deuteronomio.
(Mateo 22:39) Xkuaʼni-ma jaʼni ri riajmu manga: Gaʼne akianʼ-xtaya xabo numbagajmaʼ, asjndo xoma ri neʼne akianʼ xtayaminaʼ ikan.
nwtsty nota rí muʼnigajmaa náa Mt 22:39
Dí raga̱jma̱: Rí xóo niriʼñuu fariseo na̱ʼkha̱ náa Mateo 22:37, mú náa versículo rígi̱, Jesús niʼthí itháan ki xóo mariʼña̱a̱ mbá graxe̱, ga̱jma̱a̱ niʼthí rí maʼni a̱jma̱ kiʼtáñajunʼ rí itháan gíʼdoo numuu (Le 19:18). Xúgi̱ kaʼnii niʼsngáa rí a̱jma̱ kiʼtáñajunʼ rígi̱ gíʼdoo wéñuʼ numuu náa xúgíʼ xtángoo ma̱ngaa náa gaʼyee (Mt 22:40).
prójimo: Náa ajngáa griega najuiʼtájuíi xóo “prójimo” (na̱ndoo gaʼthí “bi̱ xtaa mijngii”) na̱nguá eyoo gaʼthí i̱ndó bi̱ xtaa náa guʼwáaʼ. Ma̱ngaa ma̱ndoo mani̱ndxu̱u̱ asndu tsáa xa̱bíi bi̱ niratamíjná gajmaaʼ (Lu 10:29-37; Ro 13:8-10).
(Mateo 22:40) Ri ajma naʼtañajun Dios guejio jagu-eʼda mba xugui xtangao Moisés, gajma ri nitan gaʼyo.
nwtsty nota rí muʼnigajmaa náa Mt 22:40
Xtángoo [...] ga̱jma̱a̱ Gaʼyee: “Xtángoo” nindxu̱u̱ libros ndrígóo Biblia rí kaʼyoo Génesis asndu Deuteronomio. “Gaʼyee” nindxu̱u̱ libros rí niniraʼmáʼ gaʼyee náa Escrituras Hebreas. Ikha jngó, índo̱ nakujmáán mbá jnduʼ ajngáa rígi̱, ma̱ndoo mani̱ndxu̱u̱ xúgíʼ libros dí na̱ʼkha̱ náa Escrituras Hebreas (Mt 7:12; 22:40; Lu 16:16).
kuajtuminaʼ: Náa griego nandoo gáʼthúu̱n “kuajtuminaʼ; frajka náa” mú gi̱i̱ najmaa xóo xkri̱da “kuajtuminaʼ; nigájnuu náa”. Xúgi̱ kaʼnii Jesús nisngájma rí xúʼgíʼ libros ndrígóo Escrituras kuajtuminaʼ ga̱jma̱a̱ ngajua, raʼkháa i̱ndó náa xtángoo ga̱jma̱a̱ Gu̱wa̱ʼ kiʼtáñajunʼ (Ro 13:9).
Guʼyááʼ rí gíʼdoo numuu
(Mateo 22:21) Aʼkue niten: Xtiʼku jame mbiʼyu-ma César. Aʼkue niʼ-tun: Guxnala César ri drigo-ma César, jame guxnala Dios ri drigo-ma Dios.
nwtsty nota rí muʼnigajmaa náa Mt 22:21
guxnáá César rí kaʼyoo César: Ikhaa rígi̱ nindxu̱u̱ timbá aphu rí nithi Jesús gájma̱a̱ numuu xa̱bu̱ ñajunʼ romano (Mr 12:17; Lu 20:25). “Rí kaʼyoo César” nandoo gáʼthún xóo ñajunʼ rí nagumaa náa xa̱bu̱ ñajunʼ ga̱jma̱a̱ rí muʼnimbulúʼ kuʼñúún (Ro 13:1-7).
gúxnala Dios rí ndrígóo má Dios: Ikha rígi̱ nindxu̱u̱ rí nduʼyamajkuíí ga̱jma̱a̱ xúgi̱ a̱jkiu̱lú, rí nandulúʼ kuʼyáá ma̱ngaa rí nuʼnimbulúʼ kuyáá mbá káxi̱ (Mt 4:10; 22:37, 38; Hch 5:29; Ro 14:8).
(Mateo 23:24) ¡Eka smbudu, asjndo nutsuhuala ri nahuanla numu ri maxaʼga ñujun apaʼla, aʼkue ako asjndo camello ihuanjnguianʼla!
nwtsty nota rí muʼnigajmaa náa Mt 23:24
asjndo nutsuhuala ri nahuanla numu ri maxaʼga ñujun apaʼla, aʼkue ako asjndo camello ihuanjnguianʼ: Bi̱ israelitas nduyáá rí ñu̱ju̱n nindxu̱u̱ mbáa xujkhúʼ mitsagaa wéñuʼ bi̱ itháán chíʼgíʼ ga̱jma̱a̱ camello nindxu̱u̱ bi̱ itháan mba̱a̱ (Le 11:4, 21-24). Jesús niʼthí xúgi̱ káʼnii, numún xujkhúʼ bugi̱, Índo̱ niʼthí ga̱jma̱a̱ numún xa̱bu̱ ede̱ bi̱ kuwa náa guʼwá ndxajkun, rí nutsuwáʼ iyaʼ rí naʼwáan mú xuwanjngiúnʼ mbáa ñu̱ju̱n o rí xúni̱ gachíí ñajunʼ rí nuni, mú tsenimbánii rí itháan gíʼdoo numuu rí naʼthí náa xtángoo, rí nindxu̱u̱ asndu xóo rí naʼwanrangiúnʼ mbáa camello.
Migixnuu Biblia
(Mateo 22:1-22) Aʼkue ri Jesús nitanga niʼtun mbuju gajma ajnga xkrida: 2 Ri naʼtañajun tsi xta mikui, xo jaʼni mba rey tsi neʼne ndxa nixna tsigüin ade jaʼni; 3 aʼkue nijungüinʼ ñumbe nigo aguya mutun xabo tsi huatsaʼun maguhua naʼ ndxa tsigun; rakun xabo tsuʼkue aguhua. 4 Aʼkue nijungüinʼ mbuju iʼhuin ñumbe, tsi niʼtun: Gutunla tsi huatsaʼun maguhua naʼ ndxa tsigun: Ninimbanu-ma ri mupo xabo; nigudin-ma toriʼ gajma xuku tsi ninguin, mba xugui-ma riga namañu; ahuala naʼ riga ndxa tsigun. 5 Tunidi xabo tsuʼkue ri huaʼtun: Aʼkue nigo, mba nika gaʼyo mbaxoeʼto, imba nika gaʼne iʼhua ñajun ri guiʼdo, 6 xoma iʼhuin nirratun ñumba tsuʼkue, ninimatinʼ jame niradin. 7 Rido nidxaun rey, aʼkue nijiʼna, aʼkue nijungüinʼ soldadi neʼnegambin xabo tsi niradin ñumbe nitsikaxi xuajñu. 8 Aʼkue niʼtun ñumbe: Gako ri mba xugui-ma riga jambani ndxa tsigun, indo tsi huatsaʼun maguhua, raʼkin xabo tsi jaʼñu maguhua ñajunʼ. 9 Aʼguala guya naʼ huaʼhui jamba, gutunla asjndo guatin xabo tsi muxkamila ri maguhua naʼ ndxa tsigun guejio. 10 Aʼkue ri nigajnu ñumba tsuʼkue nigo naʼ huaʼhui jamba. Niguimbun mba xuguinʼ xabo tsi nixkami, tsi mba jandaun gajmi tsi ramajin gajma tsi majin, aʼkue ri xaʼ nitin xabo tsi huatsaʼun maguhua na riga ndxa tsigun. 11 Aʼkue nitoʼo rey, numu ri mbaʼñu tsi huatsaʼun maguhua, iki ndiʼyo ri mba xabo tsi rajunun xtin ndxa tsigun. 12 Niʼtun: Migo, jani ndiyo nitaʼaʼ guejio ri raxtuhuanʼ xtiñu ndxa tsigun-roʼ? Aʼkue nika ajngo xabo tsuʼkue. 13 Aʼkue ri rey niʼtun xabo tsi nuxniʼtsun xabo: Gurruʼ-huala naku xabo tsigueʼ gajma ñau, gumatiyaʼla rixa naʼ jina, iki mambiyeʼ, jame mikoʼdun iñu. 14 Numu ri mapu-mbaʼin tsi nitsaʼun, rambaʼin tsi huaxtaʼhuin. 15 Aʼkue nigun fariseo, jame niraximijne xani jaʼni guni ri mbuʼyeʼ mba ajnga huaʼa raun Jesús. 16 Aʼkue nixungüinʼ tsi gajmi nusjngun nigo gajmi xabi Herodes, tsi nitan: Maestro, nduyaxoʼ ri Ikan ñajuanʼ mba xabo tsi mapu-naʼne akuinʼ-jaʼyo ri gako, jame ri gako irasjnga jambo Dios, asjndo nimba xabo tsitiahuaminaʼ inu, ni tsitiama xo jaʼñu xabo. 17 Aratanʼxoʼ-ra, xo jaʼni itaya: ¿An ratsuʼka ri muxnaxoʼ mbuka naʼ guʼhua ñajun naʼ inu César o maxuxnaxoʼ-dxeʼ? 18 Jesús ndiʼyo ri ramajan indxaʼhuamijne, aʼkue niʼtun: ¿Nalarijngo iyaʼla mbuyala na ri gatanʼla tsanʼla rigujnu ri nutanla jame ri nunila-ra? 19 Gusjngajmuʼla mbuka ri nuxnala naʼ guʼhua ñajun mbayo. Aʼkue nisjngajma mba denario. 20 Aʼkue niʼtun: ¿Tsa xtiʼku ri guiʼma naʼ tsudu mbuka guejio, jame tsa mbiʼyu ri guiʼma guejio-ro? 21 Aʼkue niten: Xtiʼku jame mbiʼyu-ma César. Aʼkue niʼ-tun: Guxnala César ri drigo-ma César, jame guxnala Dios ri drigo-ma Dios. 22 Rido nidxahuin ajnga ruʼkue, pu-nimakunʼ, aʼkue ni-niñaʼ nigun.
19-25 MARZO
GÍʼDOO NUMUU RÍ NA̱ʼKHA̱ NÁA BIBLIA | MATEO 24
“Gakuwáanʼ xawii muʼni ñajunʼ Dios náa iwáá mbiʼi rígi̱”
(Mateo 24:12) numu ri nijni ri ramajan, ikajngo mbaʼin xabo maxaʼne akuin juyamijna.
it-1-S ináa 125 kutriga̱ 6
Ngajua
Rí nandún kuyamijná xa̱bu̱ ma̱ndoo mambáa. Índo̱ Jesús niʼthún xa̱bi̱i̱ rí marigá nda̱wa̱á, niʼthí rí nandún kuyamijná xa̱bu̱ mambáa o májxáa (a·gá·pē) náa xa̱bu̱ bi̱ nuthi rí ni̱ndxu̱ún cristianos. (Mt 24:3, 12.) Apóstol Pablo ma̱ngaa niʼthí rí maganuu mbiʼi rí mbaʼin maguáʼnu “manigunʼ wéñuʼ mbújkha̱a̱”. (2Ti 3:1, 2.) Rúʼko̱ ma̱ndoo maʼni rí mbáa xa̱bu̱ maniñuʼ ikha rí jmbu ga̱jma̱a̱ ngajua rí nigiʼdoo. Rígi̱ naʼni mbuʼyáá rí gíʼdoo wéñuʼ numuu maguaʼdáá ga̱jma̱a̱ muʼni mbaja̱a̱ sniguʼ, Ajngá rawunʼ Dios ma̱ngaa makuwa xóo má ikha rí naxná. (Ef 4:15, 22-24.)
(Mateo 24:39) Tafruʼun asjndo naʼ nixnu mendaʼko ruʼhua, nika jagun mba xuguinʼ. Xkuaʼni gaʼne ri maʼka Ade Xabo manga.
w99-S 15/11 ináa 19 kutriga̱ 5
Lá nuʼnimbánii xúgíʼ rí gíʼmaa muʼni náa Dios ráʼ.
5 Jesucristo niʼthí rí kuwáanʼ mbiʼi mingíjyúuʼ: “Xo neʼne mbiʼi ri nixta Noé, xkuaʼni gaʼne mbiʼi ri maʼka Ade Xabo. Numu ri xo neʼne mbiʼi ri naki ri maxnu mendaʼko ruʼhua ri napeʼtso xabo, jame naʼhuan iya, nunigüinʼ jame nuxnatsigunmijne, asjndo mbiʼi ri nitoʼo Noé naʼ aun arca. Tafruʼun asjndo naʼ nixnu mendaʼko ruʼhua, nika jagun mba xuguinʼ. Xkuaʼni gaʼne ri maʼka Ade Xabo manga” (Mateo 24:37-39). Nda̱a̱ má dí ra̱májánʼ nindxu̱u̱ rí matatsiʼtsu ga̱jma̱a̱ migi̱i̱n awáán, ma̱ngaa rí munigu̱nʼ nda̱a̱ má dí ra̱májánʼ numuu rí xúʼko̱ má niniñuʼ Dios maguma (Génesis 2:20-24). Mú, ndiéjunʼ guʼni á mu nduʼyáá dí rígi̱ nindxu̱u̱ dí itháan nuʼni rá. Ma̱ndoo mutajkáan náa Jeobá numuu rí ikhaa ma̱ndoo mambáyulúʼ rí muʼgíʼ ginii Reino, muʼni rí májánʼ ga̱jma̱a̱ muʼnimbánii rí kaʼyulúʼ náa Ikhaa (Mateo 6:33; Romanos 12:12; 2 Corintios 13:7).
(Mateo 24:44) Ikajngo, gajuhua namañaʼla manganʼla, numu ri Ade Xabo maʼka hora ri tsindxaʼhuamijnala ri maʼka.
jy-S ináa 259 kutriga̱ 4
Apóstoles nandún mbuyáá dí garigá
Naʼthí rí xa̱bi̱i̱ ndayóoʼ makuwá xawii ga̱jma̱a̱ mbuyáá dí marigá. Jesús niʼthí i̱mba̱ xkri̱da mu masngájma xóo phú garigá. “Indo rigueʼ gamañaʼla, xi mba ana naʼ mba guʼhuin xabo gamañu na hora gaʼka kuʼhua, maxigüi, maxaniñu goʼo marjuna kuʼhua. Ikajngo, gajuhua namañaʼla manganʼla, numu ri Ade Xabo maʼka hora ri tsindxaʼhuamijnala ri maʼka” (Mateo 24:43, 44).
Guʼyááʼ rí gíʼdoo numuu
(Mateo 24:8) Mba xugui ruʼkue mariga ri inu naguiʼdu gaʼko.
nwtsty nota rí muʼnigajmaa náa Mt 24:8
ga̱ʼkhu̱ rí naʼni mamínuʼ: Náa ajngáa griega nandoo gáʼthún, ga̱ʼkhu̱ dí naraʼnuu mbáa a̱ʼgu̱ índo̱ nagiʼdaa a̱ʼdióo. Gi̱i̱ naʼthí rí xóo namínuʼ ga̱jma̱a̱ rí na̱ʼkhu̱, mu ma̱ngaa nandoo gáʼthún rí xóo ga̱ʼkhu̱ rí nanújngoo mbá a̱ʼgu̱ índo̱ nagiʼdaa a̱ʼdióo, xúʼko̱ má mumíniiʼ xa̱bu̱ ga̱jma̱a̱ xkujndu. Rí nijuiʼthá marigá maʼgá rajoo itháan, maʼni gakhi, rígi̱ marigá índo̱ magi̱ʼdu̱u̱ gaʼkhu rí itháan mba̱a̱ rí naʼthí náa Mateo 24:21.
(Mateo 24:20) Gunila tsakun, ikajngo maxagahuitaʼaʼla naʼ juba rido maganu gunʼ ri maʼne nguhuan, jame ni mbiʼi ri nduyaxaʼla.
nwtsty rí muʼnigajmaa náa Mt 24:20
mbiʼi naʼni miguwan: Rí naxnúu wéñuʼ ruʼwa, najnííʼ iyaʼ ga̱jma̱a̱ rí naʼni miguwan wéñuʼ maʼni mingíjyúuʼ rí magún ga̱jma̱a̱ muxkamaa ganitsu ma̱ngaa náa maguanún (Esd 10:9, 13).
mbiʼi sábado: Náa xuajen xóo Judea, rí kaʼyoo maguma mbiʼi sábado xóo má naʼthí Xtángoo maʼni mingíjyúuʼ magún mitsinguánʼ o muda̱ rí mikhiñu. Ma̱ngaa xkrugua kúgoo rí mbiʼi sábado (atayáá Hch 1:12 ga̱jma̱a̱ sgd, sección 16).
Migixnuu Biblia
(Mateo 24:1-22) Rido nigajna Jesús chikuhuin, naka, aʼkue nixuʼmamijna tsi gajmi naʼsjngun, numu ri musjngajma guʼhua ri jaguraʼ-aminaʼ gajma guʼhua dxakun. 2 Aʼkue ri Jesús niʼtun: ¿An duyala mba xugui rigueʼ-ra? Gako ri natanʼla ri asjndo ni xi imba itsi naxaguanu na tsudu imba itsi ri maxangudi. 3 Inu niguiʼi Jesús naʼ inu juba ri mbiʼyu Olivo, aʼkue nixuʼmamijna ndakun tsi nunigajma tsi huatraxi nini: Aratanʼxoʼ, ¿guanala gariga ruʼkue-ra, nala ri seña gariga rido ri midxaʼ, guanala aganu mbiʼi ri mamba numba-ra? 4 Aʼkue ri Jesús niʼtun: Guyala raʼnenduhuanʼla asjndo nimba xabo. 5 Numu ri pu-mbaʼin tsi maguhua gajma mbiʼyuʼ tsi mutan: Ikun ñajunʼ Cristo, jame mapu-mbaʼin xabo muninduhuinʼ. 6 Mudxahuinla ri riga guerra, jame muhuan ri riga guerra, maxuxnamijnala gaʼko, numu ri ndaʼyo ri mba xugui ruʼkue mariga, xoma maxamba numba. 7 Numu ri matuxu mba numba masañuʼ gajma imba numba, xuʼkue-ma matuxu mba xuajin ri mba masañuʼ gajma imba xuajin ri mba, maʼka ihui, maʼka nandi, jame triga naʼ ri mapu-gake maxma. 8 Mba xugui ruʼkue mariga ri inu naguiʼdu gaʼko. 9 Aʼkue ri muxnaxanʼla xabo, magumaguinaʼla, murradi-anʼla. Mba xuguinʼ xabo maxaxun guyaʼla gajma numu mbiʼyuʼ. 10 Aʼkue ri mbaʼin tsi magumi ri muxudaʼmijna aʼkan guni xabo, xoma iʼhuin muxnaximijna, xoma iʼhuin naxaxun guyamijna. 11 Mbaʼin gaʼyo tsi minduhuin majuhua, jame mbaʼin xabo muninduhuinʼ, 12 numu ri nijni ri ramajan, ikajngo mbaʼin xabo maxaʼne akuin juyamijna. 13 Indo tsi maʼngo maʼnegakeminaʼ asjndo naʼ mariguo, tsuʼkue tsi majriyaʼ. 14 Jame miʼtaraʼa apa ajnga ri majan nuxiʼ numu ri naʼ-tañajun mba xuguinʼ xabo gentil, aʼkue ri mariguo. 15 Ikajngo, rido guyala ri mapu-xkahuiʼ ri naʼnegambo riga naʼ kaʼu ri niʼtan gaʼyo Daniel numu, (tsi naguxnu, gafroʼo), 16 ikajngo, xabo tsi juhua naʼ mbayu Judea, agañutuʼun naʼ juba. 17 Tsi rigu naʼ tsudu goʼo, maxagata maguhui ri riga naʼ aun goʼo, 18 xuʼkue-ma xabo tsi nika xana, maxatanga aguhui xtiñu. 19 ¡Mapu-guini goʼo tsi judin ahuan ijin, gajma tsi nuxnixun ijin rido aganu mbiʼi ruʼkue! 20 Gunila tsakun, ikajngo maxagahuitaʼaʼla naʼ juba rido maganu gunʼ ri maʼne nguhuan, jame ni mbiʼi ri nduyaxaʼla. 21 Numu ri mapu-mba ga’ko mariga, ri asjndo nimba mi’tsu tariga asjndo naki nigui’du niriga numba, asjndo xugui’, jame asjndo nimiʼtsu naxariga. 22 Xi numu ri taxtriga mbiʼi riuʼun, asjndo nimba xabo maxajriyaʼ xuʼkue-no, indo numu ri gajma numu tsi huaxtaʼhuin maxtriga mbiʼi riuʼun.
26 MARZO ASNDU 1 ABRIL
GÍʼDOO NUMUU RÍ NA̱ʼKHA̱ NÁA BIBLIA | MATEO 25
“Gajuhuala xahui”
(Mateo 25:1-6) Aʼkue ri, ri naʼtañajun tsi xta mikui manindxu xo mba guhuinʼ goʼo tsi rudun, tsi juda candil drigun nigajnu nigo guya mudrigüi tsi inu xta manigun. 2 Mba huitsun goʼo tsuʼkue tsi majan indxaʼhuamijna, jame mba huitsun tsi nda kuin mba jañi. 3 Xoma tsi nda akuin mba jañi, indo candil drigun jude nigo, rajude aceite nigo. 4 Indo tsi majan indxaʼhuamijna, tsuʼkue tsi nixiñaʼ aceite naʼ aun tsiʼtsun juda nigo gajma candil drigun. 5 Xo nagajiu tsi inu xta manigun ri maʼka, aʼkue ri mba xuguinʼ nika idxun ri nandun guniʼ, aʼkue niniʼ. 6 Rido niganu tiku nini mbruʼun, aʼkue nihuan nindxaʼhua mba, tsi niʼtan: ¡Guejio iʼka tsi inu xta manigun, agajnaʼla gudrigüi!
(Mateo 25:7-10) Aʼkue ri niguaxun mba xuguinʼ goʼo tsi rudun, nini majan candil drigun. 8 Xoma tsi ndakuin mba jañi nitun tsi majan indxaʼhuamijna: Guxnaʼxoʼla tan aceitiaʼla; nando ahuiyu agu candil drigaʼxoʼ. 9 Xoma tsi majan indxaʼhuamijna nitan: Ihua majan ri aʼguala gutsi naʼ riga natangojo, majmaʼla, ikajngo maxamba ri majmaʼxoʼ ikanʼxoʼ jame ni ikanʼla. 10 Xoma ikin aun-ma ri juhueʼ nigo gutsi, niʼka tsi inu xta manigunʼ, xoma tsi juhua-ma namañu nituʼun gajmi tsi inu xta manigun naʼ ndxa tsigun, aʼkue ri nijugua xkrugua.
(Mateo 25:11, 12) Ndahua niguhuanʼ iʼhuin goʼo tsi rudun manguin tsi nitan: ¡Señor, señor, atrambaʼta mataʼaʼxoʼ! 12 Xoma ika niʼtun: Gako ri natanʼla, ri tsininuhuanʼla.
Guʼyááʼ rí gíʼdoo numuu
(Mateo 25:31-33) Rido gaʼka Ade Xabo naʼ gloria drigo, gajmi mba xuguinʼ ángel tsi kaʼun, aʼkue ri maguiʼi naʼ Xili gloria drigo. 32 Maguimbun mba xuguinʼ xabo tsi juhua naʼ inu mbamba numba naʼ inu Ika, jame maxpiʼtin maʼne huajin, xo eʼne huaxtu tsi naguhuin borrego naʼ majñu tsutun. 33 Naʼ nijñu mujunʼ gaʼneʼndunʼ borrego, indo tsutun tsi maniñuʼ naʼ nijñu xtiyuʼ.
Gumbaʼñúú a̱ngui̱i̱n Cristo
7 Rí xúgi̱ nakru̱ʼu̱lú májánʼ historia rígi̱. Tsáa eyoo gáʼthúu̱n “Ade Xabo” ga̱jma̱a̱ rey rá. Nandoo gáʼthúu̱n Jesús. Tsíin eyoo gáʼthúu̱n a̱ngui̱i̱n rey rá. Bi̱ Jeobá niraʼwíin, ga̱jma̱a̱ xi̱ʼ kaʼwu. Ikhiin mutañajunʼ gajmiún Jesús mekhuíí (Rom. 8:16, 17). Tsíin eyoo gáʼthúu̱n mugu̱ ga̱jma̱a̱ tsu̱jtuunʼ rá. Xa̱bu̱ bi̱ kuwa náa xúgíʼ tsu̱du̱u̱ ku̱ba̱ʼ. Nguáná guxnaxi̱i̱ cuenta xá. Índo̱ na̱jkha̱ mámbáa rí marigá majphú mba̱a̱ gaʼkhu rí magi̱ʼdu̱u̱ nacha̱. Ga̱jma̱a̱ náa numuu rí magumbiʼñún mugu̱ ga̱jma̱a̱ tsu̱jtuunʼ rá. Jesús maʼthí tsíin ni̱ndxu̱ún mugu̱ ga̱jma̱a̱ tsu̱jtuunʼ índo̱ gáʼyoo xú káʼnii eni gajmiún bi̱ kaxtaʼwíin bi̱ xóó kuwa náa tsu̱du̱u̱ Ku̱ba̱ʼ. Nuxnáa núma̱aʼ Jeobá numuu rí nambáyulúʼ makru̱ʼu̱lú historia rígi̱ ga̱jma̱a̱ i̱ʼwáʼ historia rí na̱ʼkha̱ náa Mateo 24 ga̱jma̱a̱ 25.
(Mateo 25:40) Aʼkue ri maʼtan Rey: Gako ri natanʼla ri niñila mba tsi tsigueʼ dxiyoʼ tsi ihua lajuin guejio, Ikun-ma niñuʼla.
w09-S 15/10 ináa 16 kutriga̱ 16-18
“Ikanʼla ñajuanʼla migüiʼ”
16 Xú kaʼnii gándoo gusngajmá rí ni̱ndxu̱lú bi̱ nambáxu̱u̱n gajmiún a̱ngui̱i̱n Cristo ikháánʼ bi̱ kaʼyulú makuwáanʼ náa tsu̱du̱u̱ ku̱ba̱ʼ náa maʼtáñajunʼ Reino ndrígóo Dios rá. Guʼyáá ajtsú enii xóo muʼni. Timbá nindxu̱u̱ rí muʼtáraʼa ga̱jma̱a̱ xúgíʼ a̱jkiu̱lú ajngáa nuxi̱ʼ. Jesús nikuʼmiin a̱ngui̱i̱n rí muni ñajunʼ náa xúgíʼ numbaaʼ (Mat. 24:14). A̱ngui̱i̱n Jesús bi̱ xóó naguanún náa tsu̱du̱u̱ Ku̱ba̱ʼ maʼñún mingíjyúuʼ muni ñajunʼ á mu tsembañún eʼwíínʼ mugu̱. Ikha jngó, índo̱ mbáa bi̱ eʼwíínʼ mugu̱ na̱jkha̱ gáʼtaraʼa, xtáa rambáñun bi̱ kaxtaʼwíin mu munimbánii ñajunʼ ndrígu̱ún. Rígi̱ gíʼdoo wéñuʼ numuu náa ñumbáá tsí jmbii ma̱ngaa náa Cristo.
17 Raga̱jma̱ nindxu̱u̱ rí muñambáá ga̱jma̱a̱ mbújkha̱a̱ náa miʼtáraʼa. Jesús niʼthún xa̱bi̱i̱ rí majmúún mu mbuñíin bi̱ mambáxu̱u̱n gajmiún (Luc. 16:9). Rígi̱ tsíyoo gaʼthí rí ma̱ndoo maratsi rí mambáxaʼ ga̱jma̱a̱ Jesús o Jeobá. Rí nandoo gáʼthúu̱n rí majmulúʼ rí kuaʼdáá mu muñambáá náa ñajunʼ ndrígóo Reino ga̱jma̱a̱ musngajmá rí nangajulú, raʼkháa ga̱jma̱a̱ ajngáa, nindxu̱u̱ rí nuʼnilú (1 Juan 3:16-18). Mbá xkri̱da, najmulú mbújkulú mu muʼtáraʼa ajngáa rí májánʼ. Ma̱ngaa náa ñajunʼ rí naguma náa xúgíʼ numbaaʼ, náa naguma guʼwá, maguma májáanʼ náa nagimbáanʼ. Tséʼñu má nguáthá gúxná Jeobá ga̱jma̱a̱ Jesús mu ikhiin nuxna̱a̱ wéñuʼ núma̱aʼ rí nuʼni ga̱jma̱a̱ gagi (2 Cor. 9:7).
18 Rí maʼni ajtsú rí nusngajmá rí nambáxulúʼ gajmiúlú Jesús nindxu̱u̱ rí muʼnimbulúʼ ikha rí nuxná bi̱ kuya̱ edxu̱u̱. ikhiin nikhánún ñajunʼ rígi̱ ga̱jma̱a̱ xi̱ʼ kaʼwu rí naʼtáñajunʼ Cristo (Efe. 5:23). Apóstol Pablo niʼnirámáʼ: “Gunimbala ku̱ñu̱u̱n bi̱ kuya̱ edxu̱u̱ náa ikháanʼla, guniñámijna rí mutañajuanla” (Heb. 13:17). Nguáná maʼniulú mingíjyúuʼ muʼnimbulúʼ ikha rí nagájnuu náa Biblia rí nuxná bi̱ kuya̱ edxu̱u̱. Á mu nduʼyáá rí nakieʼkún maʼni rí xuʼyamajkuíí xtágabu rí nuxna. Maski ajndu ni̱ndxu̱ún xa̱bu̱ aʼkhá, Cristo kayá Edxu̱u̱ náa congregación, ikhaa nadxuu rí nuni ñajunʼ rígi̱. Ikha jngó, rí xóo guriʼña dí guthi makujmaa xóo eʼyáá rí nambáyulúʼ Jesús. Xúyexi rí nakieʼkún bi̱ kuya̱ edxu̱u̱, guʼnimbulúʼ májánʼ kuʼyáá ikha ndrígu̱ún xúʼko̱ gusngajmá rí nandulúʼ kuʼyáá Jesús.
Migixnuu Biblia
(Mateo 25:1-23) Aʼkue ri, ri naʼtañajun tsi xta mikui manindxu xo mba guhuinʼ goʼo tsi rudun, tsi juda candil drigun nigajnu nigo guya mudrigüi tsi inu xta manigun. 2 Mba huitsun goʼo tsuʼkue tsi majan indxaʼhuamijna, jame mba huitsun tsi nda kuin mba jañi. 3 Xoma tsi nda akuin mba jañi, indo candil drigun jude nigo, rajude aceite nigo. 4 Indo tsi majan indxaʼhuamijna, tsuʼkue tsi nixiñaʼ aceite naʼ aun tsiʼtsun juda nigo gajma candil drigun. 5 Xo nagajiu tsi inu xta manigun ri maʼka, aʼkue ri mba xuguinʼ nika idxun ri nandun guniʼ, aʼkue niniʼ. 6 Rido niganu tiku nini mbruʼun, aʼkue nihuan nindxaʼhua mba, tsi niʼtan: iGuejio iʼka tsi inu xta manigun, agajnaʼla gudrigüi! 7 Aʼkue ri niguaxun mba xuguinʼ goʼo tsi rudun, nini majan candil drigun. 8 Xoma tsi nda kuin mba jañi nitun tsi majan indxaʼhuamijna: Guxnaʼxoʼla tan aceitiaʼla; nando ahuiyu agu candil drigaʼxoʼ. 9 Xoma tsi majan indxaʼhuamijna nitan: Ihua majan ri aʼguala gutsi naʼ riga natangojo, majmaʼla, ikajngo maxamba ri majmaʼxoʼ ikanʼxoʼ jame ni ikanʼla. 10 Xoma ikin aun-ma ri juhueʼ nigo gutsi, niʼka tsi inu xta manigunʼ, xoma tsi juhua-ma namañu nituʼun gajmi tsi inu xta manigun naʼ ndxa tsigun, aʼkue ri nijugua xkrugua. 11 Ndahua niguhuanʼ iʼhuin goʼo tsi rudun manguin tsi nitan: ¡Señor, señor, atrambaʼta mataʼaʼxoʼ! 12 Xoma ika niʼtun: Gako ri natanʼla, ri tsininuhuanʼla. 13 Gajuhuala xahui, tia tsiyala na mbiʼi jame ni na hora gaʼka Ade Xabo. 14 Numu ri, ri naʼtañajun tsi xta mikui ñajun xo mba xabo tsi naka tsinguaʼ, nindxaʼun ñumbe jame nixnaxun ri guiʼdo. 15 Mba nixnu huitsu talento, imba nixnu ajma, imba nixnu mbo. Mba xo ri maʼngo mañau mbamba nixnu, aʼkue ri nigajnu nike tsinguaʼ. 16 Tsi nigruigu huitsu talento, nika gaxpiʼta nida imba huitsu talento tsudu ri huitsu. 17 Xuʼkue-ma neʼne tsi nigruigu ajma, nida manga ijma tsudu ri ajma. 18 Indo tsi nigruigu mbo, tsuʼkue tsi nika gaʼndi naʼ aun jubaʼ, iki nirkaʼhui mbuko señi. 19 Ndahua rido ri nika-ma mbiʼi niʼka señi ñumba tsuʼkue, aʼkue niʼni cuenta gajmi. 20 Rido nijanu tsi nigruigu mba huitsu talento, jagüi imba huitsu talento, aʼkue niʼtun: Señor, huitsu talento niraxnaxuʼ, guejio riga, nidaʼ imba huitsu talento tsudu ri huitsu. 21 Aʼkue huaʼtan neʼne señi: Majan, ñumba majan tsi jmbi ñajuanʼ, jmbin nitsiminaʼ gajma ri lajuin, ikajngo ihua mba ri maxnaxaʼ xuguiʼ-ra, ataʼaʼ naʼ riga gadxu señaʼ-ra. 22 Nijanu manga tsi nigruigu ajma talento, aʼkue niʼtun: Señor, ajma talento niraxnaxuʼ, guejio riga nidaʼ ijma talento tsudu ri ajma. 23 Aʼkue ri huaʼtan neʼne señi: Majan, ñumba majan tsi jmbi ñajuanʼ, jmbin nitsiminaʼ gajma ri lajuin ikajngo ihua mba ri maxnaxaʼ xuguiʼ-ra, ataʼaʼ na ri riga gadxu señaʼ-ra.