Lá nduʼyáá xóo xa̱bu̱ nindxu̱u̱ Dios ráʼ.

Índo̱ nduʼyáá mbá ri̱ʼi̱ mitsaan, ga̱jma̱a̱ rí mekhuíí trigi̱i̱n a̱ʼgua̱a̱n o náa naʼndatígú iyaʼ, lá nundxaʼwámíjná ga̱jma̱a̱ numuu bi̱ Niʼniáanʼ ráʼ. Rí niguma naʼni “mbuʼyáá” kaʼwu xóo xa̱bu̱ nindxu̱u̱ Jeobá (Ro 1:20). Á mu nuríyaʼ mbiʼi mundxaʼwami̱jna̱ ga̱jma̱a̱ numuu rí nduʼyáá, ma̱ndoo mbuʼyáá tsiakii ndrígóo, ngajua, ku̱ma̱, rí Dios nindxu̱u̱ jmbii ga̱jma̱a̱ rí ikhaa tséjmídúu (Sl 104:24).

Ndiéjunʼ rí niʼni Jeobá natayáá mámbá mbiʼi rá. Maski ajndu xtaa náa mbá ciudad, ma̱ndoo matañu̱u̱n ñu̱ʼu̱ o ixi̱. Rí mbuʼyáá tsu̱ma̱ rí niguma ma̱ndoo mambáyulúʼ mu xáxmiéjunlúʼ, mbuʼyáá rí xkujndu dí kuaʼdáá na̱nguá gakhi̱i̱ ga̱jma̱a̱ muguaʼdáá mbá fe gújkhuʼ rí Jeobá mañewunlú asndu kámuu mbiʼi (Mt 6:25-32). Á mu ikháán xtaʼdiin e̱ji̱n atambáñun mbuyáá xú káʼnii xa̱bu̱ nindxu̱u̱ Jeobá. Índo̱ nuxnáa núma̱aʼ Jeobá ga̱jma̱a̱ xúgíʼ rí niʼni, makuwáanʼ itháan mijngii náa ikhaa (Sl 8:3, 4).

NDA̱WA̱Á RÍ NITAYÁÁ VIDEO XÚGÍʼ RÍ MITSAAN NIGUMA NASNGÁJMAA TSIAKII NDRÍGÓO DIOS: AGIUʼ A̱JKHA̱ʼ GA̱JMA̱A̱ COLOR, ATRIʼÑA̱A̱ GRAXE̱ RÍ NA̱ʼKHA̱ GI̱I̱:

• Xú káʼnii eʼni mbuʼyáá mixtiʼkhu color rá.

• Xú káʼnii eʼni rí color mambiʼi xóo xtukua̱ya̱ʼ rá.

• Náa numuu nduʼyáá rí mekhu mixtiʼkhu color nindxu̱u̱ rá.

• Xú káʼnii color rí niʼniaʼ tsiánguá índo̱ nitayáá náa mijngii guʼwáaʼ rá.

• Ndíjkha jngó gíʼmaa muriyaʼ mbiʼi mu mbuʼyáá májánʼ xúgíʼ dí rígá náa numbaaʼ rá.