GÍʼDOO NUMUU RÍ NA̱ʼKHA̱ NÁA BIBLIA | 2 CORINTIOS 4-6
“Nditháan tsekaguabáanʼ”
Gundxaʼwamíjna̱ ga̱jma̱a̱ numún a̱jma̱ familia bi̱ kúwi̱i̱n náa mbá guʼwá wayuu ga̱jma̱a̱ nánguá májánʼ. Mbá familia naxmiéjúnʼ, mú i̱mba̱ familia kuwa gagi. Náá numuu rá. Numuu rí nduyáá rí inu magúun gakuwa náa mbá guʼwá nuxi̱ʼ ga̱jma̱a̱ mitsaan.
Maski ajndu “nduʼyáá rí xúgínʼ xa̱bu̱ numbaaʼ nuxieʼkhá ga̱jma̱a̱ numíniiʼ má xúʼko̱ asndu mbiʼi xúgi̱”, bi̱ nuʼni ñajuunʼ Dios kuaʼdáá mbá rí kuaʼti̱i̱n rí nambáyulúʼ mu maʼngulú (Ro 8:22). Nduʼyáálu má rí naʼni mumíniiʼ rí mbiʼi xúgi̱, ga̱jma̱a̱ xúgíʼ má rí niʼngulú nimíniiʼ, nindxu̱u̱ rí “nanújngoo” índo̱ nuʼni mbríguii ga̱jma̱a̱ rí xóo maguma tsajkurámáanʼ nda̱wa̱á náa numbaaʼ nuxi̱ʼ rí naʼthí maʼni Dios. Índo̱ nduʼyáá xú káʼnii gáʼni tsajkurámáanʼ Reino nda̱wa̱á nambáyulúʼ makuwáanʼ gagi ga̱jma̱a̱ xúʼni̱ guabamijná.