Gajmañaaʼ marataráʼa májánʼ: Gajmaaʼ ajua̱nʼ rí tima náa guʼwún xa̱bu̱ mu maratarúʼún

NDÍJKHA RÍ GÍʼDOO NUMUU. Ga̱jma̱a̱ numuu dí na̱jkha̱ ra̱ja̱a̱ dí ra̱májánʼ, mbaʼin xa̱bu̱ najmún mbaʼa ajua̱nʼ nuxi̱ʼ dí nagájnuu xúgi̱, nugiʼma náa guʼwún cámaras o ajua̱nʼ náa ma̱ndoo marataráʼa. Mbáa mamiñulúʼ gúʼtaráʼáá mbáa xa̱bu̱ bi̱ ikhaa ndaʼyulúʼ asndu náa awúu̱n goʼwóo, mú ikháanʼ tséʼyáá. Náa ikha rí mbuʼyáá xúgi̱ ikhí majmañulúʼ xú káʼnii gúʼtaraʼa májánʼ náa mbá cámara o interfono.

XÚ KÁʼNII GÚʼNI

• Xámiñaʼ. Numuu rí mbaʼin xa̱bu̱ bi̱ guáʼdáá cámara o interfono nandún mutamijná ga̱jma̱á ni̱ndxu̱lú.

• Garmáʼáan a̱jkia̱nʼ rí tikhuu cámaras nagíʼdu̱u̱ naʼni grabar nákhi xóó ikháán tsétadi̱i̱ timbre ga̱jma̱a̱ xa̱bu̱ bi̱ kúwá awúu̱n ma̱ndoo mudxawíín ma̱ngaa kúwá ruyaaʼ índo̱ xtaa ra̱dxu̱ʼ náa xkrugua.

• Índo̱ mbáa gágooʼ awúu̱n, aratháán rí asndu xóo ikhí xtáa ga̱jma̱á ni̱ndxa̱ʼ. Atanduʼwá ga̱jma̱a̱ atani inaʼ xó má naguʼwaanʼ natani. Atatsaʼwáminaʼ rí xóo xa̱bu̱ nimbáʼtoo xkrugua, ga̱jma̱a̱ aratháán rí nindaaʼ maratha̱a̱n. Á mu rígá mbá cámara, xátaxuʼmáminaʼ mijngii náa gíʼmaa. Á mu xa̱bu̱ tsériʼña xátaniʼñánʼ nimbá.

• Garmáʼáan a̱jkia̱nʼ rí índo̱ naguámbáʼ naratámíjná ga̱jma̱ʼ xa̱bu̱, ikhaa xóó ma̱ndoo mbaʼyaaʼ o maʼdxun dí naratá.