Ndiéjunʼ ajngáa rí májánʼ rígá muʼdxawíín ikháanʼ rá.

1. Xkáʼnii ajngáa rí gíʼdoo maʼthúlú Dios rá.

Dios nandoo rí xa̱bu̱ makuwa gagi náa tsu̱du̱u̱ Ku̱ba̱ʼ. Ikhaa niʼni Ku̱ba̱ʼ ga̱jma̱a̱ xúgíʼ dí rígá ikhí numuu rí nandoo kaʼñúún xa̱bu̱ numbaaʼ. Nacha̱ má gáʼni dí xa̱bu̱ makuwá májánʼ náa xúgíʼ tsu̱du̱u̱ Ku̱ba̱ʼ. Ikhaa maʼni rí xa̱bu̱ ní xákuwa tsingíná. Atraxnuu Jeremías 29:11.

Nimbáa Xa̱bu̱ Ñajunʼ na̱nguá eʼngo̱o̱ gáʼni gámbóo nandii, rí nakhañulúʼ ga̱jma̱a̱ dí xa̱bu̱ nuxmijná wéñuʼ. Mú rígá ajngáa májánʼ muʼdxawíín. Nacha̱ má Dios mariʼkuwíín xúgínʼ Xa̱bu̱ Ñajunʼ bi̱ kuwa mbayííʼ gi̱jyooʼ ga̱jma̱a̱ magíiʼ Xa̱bu̱ Ñajunʼ ndrígóo. Xa̱bu̱ bi̱ gakuwa náa Xa̱bu̱ Ñajunʼ bigi̱ makuwa tsímáá ga̱jma̱a̱ nimbáa ní xáʼñuu nandii. Atraxnuu Isaías 25:8; 33:24, ga̱jma̱a̱ Daniel 2:44.

2. Ndiéjunʼ dí ra̱ʼkhá tháán gíʼdoo wéñuʼ numuu ajngáa rígi̱ rá.

Ní xárígá itháan tsingíná náa tsu̱du̱u̱ Ku̱ba̱ʼ índo̱ Dios gáʼni gámbíin xúgínʼ xa̱bu̱ bi̱ ra̱míjínʼ (Sofonías 2:3). Nguánáa gárígá rígi̱ rá. Ajngá rawunʼ Dios niʼtáriyaʼ xú káʼnii gakuwa xúgínʼ xa̱bu̱ numbaaʼ rí mbiʼi xúgi̱. Xúgíʼ rí xtáa rarígá náa tsu̱du̱u̱ Ku̱ba̱ʼ nasngájma rí Dios nacha̱ má gáʼni gámbáa xúgíʼ tsingíná. Atraxnuu 2 Timoteo 3:1-5.

3. Ndiéjunʼ gíʼmaa muʼni rá.

Gíʼmaa rí majmañulúʼ ga̱jma̱a̱ numuu Dios náa Biblia. Nindxu̱u̱ xóo mbá i̱yi̱i̱ʼ rí nakuʼma mbáa xa̱bu̱ náa e̱ji̱i̱n bi̱ nandoo kaʼñúún wéñuʼ. Naʼtulúʼ xú káʼnii gándoo gákuwáanʼ májánʼ rí mbiʼi xúgi̱ ga̱jma̱a̱ ndiéjunʼ gándoo gúʼni mu makuwáanʼ kámuu mbiʼi náa tsu̱du̱u̱ Ku̱ba̱ʼ nda̱wa̱á. Tikhuun xa̱bu̱ xánigunʼ rí ikháánʼ matanigajmaa̱ Biblia. Mú Dios nakudaminaʼ rí ikháanʼ ma̱ndoo makuwáanʼ májánʼ nda̱wa̱á, ikha jngó xúniʼñáanʼ rí nimbáa marikulúʼ rí najmañulúʼ ga̱jma̱a̱ numuu Biblia. Atraxnuu Proverbios 29:25 ga̱jma̱a̱ Rí huasjŋgajma Juan [Apocalipsis] 14:6, 7.