Gakumulú kuʼyáá ma xúʼko̱ Jeobá

Índo̱ naʼni mingíjyúuʼ muxkamaa mbá ñajunʼ, mbáa rúʼko̱ gáʼni miʼskhoo rí muʼgíʼ ginii Reino ndrígóo Dios. Mbáa rúʼko̱ gáʼni rí maʼndulú mundriʼgú mbá ñajunʼ rí xániñulú muʼni ñajuunʼ Jeobá o dí nanújngorámuuʼ ikha ndrígóo Biblia. Mú ma̱ndoo makuwáánʼ gajkhun rí Jeobá ma gambáñúún ‹bi̱ guáʼdáá mbá a̱jkiu̱ún káxi̱ náa ikhaa› (2Cr 16:9). Ikhaa nindxu̱u̱ anu̱lú bi̱ nandoo kaʼyulú ga̱jma̱a̱ nda̱a̱ dí gárikoo mu mambáyulú ga̱jma̱a̱ maxnúlú rí ndayúlú (Ro 8:32). Ikha jngóo índo̱ gúraʼwíí mbá ñajunʼ rí muʼni gakumulú kuyáá Jeobá ga̱jma̱a̱ guʼgíʼ ginii ñajunʼ ndrígóo ikhaa (Sl 16:8).

NDA̱WA̱Á RÍ NITAYÁÁ VIDEO GUÑAJUNʼ GA̱JMA̱A̱ XÚGÍʼ A̱JKIU̱LÚ NÁA JEOBÁ, ATRIʼÑA̱A̱ GRAXE̱ RÍGI̱:

• 

  Náá numuu rí Jason tándoo magruigú mbújkha̱a̱ rá.

• 

  Xú káʼnii gándoo guʼgíʼ muʼni rí naʼthí náa Colosenses 3:23 rá.

• 

  Xú káʼnii nimbáyúu Thomas xkri̱da ndrígóo Jason rá.

• 

  Xú káʼnii gándoo guʼgíʼ muʼni rí naʼthí náa Mateo 6:22 rá.