Torre ndrígóo Babel

Nda̱wa̱á dí nixnúu Ruʼwa mbiiʼ, e̱ji̱i̱n Noé gajmiún guʼñún niguáʼdiin mbaʼin e̱jñún. Bi̱ kuwa náa guʼwún niʼni mbaʼin ga̱jma̱a̱ nigún gákuwá i̱mba̱ níʼkhá, xó má Jeobá niʼthún.

Mú tikhun bi̱ kuwa náa mbá guʼwíin na̱nguá ninimbu̱u̱n kuyáá Jeobá. Nithi: “Gaguanulúʼ gi̱jyooʼ, guʼni mbá xuajen ga̱jma̱a̱ mbá torre dí maʼga̱nú asndu náa mekhu. Mu xúʼko̱ majmaʼniáanʼlú”.

Jeobá tániguuʼ dí kuwa runi, ikha jngó na̱nguá niniñúnʼ muni. Natayáá xú káʼnii niʼni xáʼ. Niʼni rí muthi mixtiʼkhu ajngáa. Xa̱bu̱ nixna mbiʼí Babel, xuajen rúʼko̱, rí nandoo gáʼthúu̱n “nijngriʼin”. Numuu rí nánguá nikru̱ʼu̱u̱n dí nithi, niniñaaʼ runi torre ga̱jma̱a̱ nigájnun mu magún gakuwa i̱mba̱ níʼkhá. Mú nini má xúʼko̱ dí raʼkhí náa nigún gákuwá. Lá naku̱ma̱ʼ rí xóó nixtáa mbáa bi̱ nindoo kaʼyoo Jeobá ráʼ. Mbuʼyáá náa imbo̱ʼ capítulo.