Dios naʼsngúlúʼ rí maʼndulú kuʼyamijná

1. Jeobá nikuʼmaa Jesús mu maʼsngúlú

ikha rí nindxu̱u̱ jmbu.

Xúʼko̱ nisngájma rí nandoo kaʼyulú,

niʼsngúlúʼ rí xúʼkhíin gúʼni.

Niʼni káwáanʼlu náa aʼkhá ndrígúlú;

naʼni mba̱a̱ a̱jkiu̱u̱n índo̱ nakiéʼkulu.

Anu̱lú Jeobá phú nandoo kaʼyulú,

gíʼdoo ngajua, nandoo kaʼyulú.

2. Xó má Dios Jeobá, nusngájma rí kuaʼdáá

ngajua náa a̱ngiu̱lú.

Nuʼniu̱u̱n rí májánʼ xúgínʼ xa̱bu̱ guanuu

xúʼko̱ má bi̱ majkhinʼ mangiin.

Ikha jngó, gíʼmaa muʼni mba̱a̱ a̱jkiu̱lú,

xawii gakuwáanʼ mu muxnúnlúʼ tsiakii.

Índo̱ a̱ngiu̱lú nuniulú dí raʼkhí

xúyexi sia̱nʼ gaʼndulúʼ kuʼñúún.

3. Nuxnáá gamajkhu Anu̱lú Jeobá Dios

jma̱a̱ ngajua ndrígúlú.

Ikha jngó Jeobá naʼthúlúʼ jma̱a̱ ngajua

atayáá rí gagi kúwi̱i̱n.

Gíʼmaa musngajmá rí mbá jnduʼ kuwáanʼlu:

Gaʼndulúʼ kuʼñúún xúgínʼ jma̱a̱ gumbáñun,

guguaʼdáá ngajua ga̱jma̱a̱ guguajún jmbu.

Numuu rí Dios nandoo kaʼyulú.