GRAXE̱ RÍ NAXTIʼÑA̱A̱ NÁA BIBLIA

Lá makuwáanʼ itháan májánʼ nda̱wa̱á rá.

Mbá guʼwíin nuñewa̱a̱n mbáa a̱ʼgú nikhi̱i̱ bi̱ ni̱ndxu̱u̱ imba̱a̱ raza — Ga̱jma̱a̱ numuu rí nikháñu jesús, maxmiéjunʼlú kuʼyamijná. xú gándoo gáʼni rígi̱ rá.

Ciencia mámbá mbiʼi maʼga̱ raʼni itháan májánʼ. Mú, xú káʼnii gándoo gáʼni rígi̱ rí xa̱bu̱ makuwa itháan májánʼ náa rí xa̱bu̱ maxmiéjunʼ kuyamíjna̱ rá. Mingíjyúuʼ wéñuʼ. Náa numbaaʼ rí mbiʼi xúgi̱ xa̱bu̱ naxmiéjunʼ kuyamíjna̱ i̱ndó ikhiin. Mú, Dios nandoo rí xa̱bu̱ makuwá itháan májánʼ. (Atraxnuu 2 Pedro 3:13.)

Náa Biblia naʼthí rí nda̱wa̱á maʼndún kuyamijná xúgínʼ xa̱bu̱ náa tsu̱du̱u̱ Ku̱ba̱ʼ. Xa̱bu̱ ní xámiñun ga̱jma̱a̱ nimbáa ní xáʼniuu dí ra̱májánʼ ndxájuu. (Atraxnuu Miqueas 4:3, 4.)

Xú káʼnii gámbáa rí xa̱bu̱ tsixmiéjunʼ kuyamíjna̱ rá.

Índo̱ Dios niʼnii Adán, timbáa xa̱biya̱, táʼnii rí xaxmiéjunʼ kuyamíjna̱, numuu rí xúgíʼ niʼni májánʼ wéñuʼ. Mú índo̱ Adán niraʼwíí rí xáʼnimbo̱o̱ kaʼyoo Dios, ikhú ninindxu̱u̱ xa̱bu̱ aʼkhá. Rúʼko̱ naʼni rí maxmiéjunʼ kuyamíjna̱ i̱ndó ikháanʼ. Mú Dios majmiuu Jesús mu maʼni rí xaguaʼdáá aʼkhá xa̱bu̱. (Atraxnuu Romanos 7:21, 24, 25.)

Xó má nindoo Dios, Jesús nixnáximinaʼ xóo tsigijñaʼ ga̱jma̱a̱ xúʼko̱ niʼni gámbáa rí táʼnimbo̱o̱ timbáa xa̱biya̱ (Romanos 5:19). Xúʼko̱, Jesús niʼni rí ma̱ndoo marigá rí mitsaan nda̱wa̱á náa rí xa̱bu̱ ní xaxmiéjunʼ kuyamijná i̱ndó ikhiin ga̱jma̱a̱ ní xágua̱ʼa̱ rí muxudami̱jna̱ aʼkhá. (Atraxnuu Salmo 37:9-11.)

Á mu nandaʼ ma̱ta̱ya̱a̱ itháan. Atayáá rí eʼthí kíxnuu 4 náa folleto Ajngáa rí májánʼ na̱ʼkha̱ náa Dios, rí nini bi̱ nutaraʼa numuu Jeobá

Ma̱ngaa rígá náa jw.org/jw-tln