Xú káʼnii xa̱bu̱ ñajúnʼ bi̱ nutaraʼa numuu Jeobá rá.

Nguáthi̱i̱n bi̱ nutaraʼa numuu Jeobá natatsinunʼ ikháánʼ rá. Mbáa asndu mbáa dí ikháanʼxo xtáa mijngii náa xtaa ikháánʼ, o náa nuñajonʼlo o náa guʼwá nisngáá; mbáa asndu niʼtamíjnalo ga̱jma̱a̱ numuu Biblia. Tsíin phú ñajuanʼxo, ga̱jma̱a̱ náa numuu rí nutamijnaxo gajmiáxoʼ xa̱bu̱ rí enimbaxoʼ rá.

Ikháanʼ ni̱ndxa̱xoʼ xa̱bu̱ numbaaʼ xó má ikháanʼla. Náa ikháanʼxo kuwa xa̱bekha ga̱jma̱a̱ go̱ʼo̱ bi̱ xúgíʼ xuajin ga̱jma̱a̱ kuwa xa̱bu̱ bi̱ guáʼdáá wéñuʼ ga̱jma̱a̱ bi̱ raguáʼdáá wéñuʼ. Tikhuáanʼxo niguáʼdááxo mbá religión, iʼwáanʼxo na̱nguá enimbaxoʼ kuya̱a̱ Dios; mú nákha na̱nguá ñajuanʼxo xóo xa̱bu̱ bi̱ nutaraʼa numuu Jeobá, xúgiáanʼxo nuríyaʼ mbiʼi munigajmaaxo májánʼ wéñuʼ rí naʼsngáa Biblia (Hechos 17:11). Nijkhuánuxo ndiya̱a̱ rí gajkhun dí kuwa rajmañaxo ga̱jma̱a̱ nda̱wa̱á ikháanʼxo niraʼwííxo mbuyamajkuííxo Jeobá.

Nambáyaxoʼ rí nunigajmaa̱ Biblia. Xó má xa̱bu̱ bi̱ kuwa xúgíʼ numbaaʼ, kuáʼdááxo xkujndu ga̱jma̱a̱ rígá rí naʼñaxo mingíjyúu monexo; mú índo̱ nonexo mbá tsiakii makuwáanʼxo xó má eʼkha̱ raʼthí náa Biblia, nduya̱a̱xo rí nakúwáanʼxo itháan májánʼ wéñuʼ (Salmo 128:1, 2). Ikhaa rúʼko̱ ñajunʼ mbá numuu rí ikháanʼxo nuthu̱u̱n rí májánʼ eʼwíínʼ xa̱bu̱ rí najmañaxo náa Biblia.

Nonexo xó má eʼthí xtángoo ndrígóo Biblia. Xtángoo rígi̱, rí naʼsngáa Biblia, naʼni rí makúwáanʼxo tsímáá. Ma̱ngaa, naʼni rí mbuʼyamajkún eʼwíínʼ xa̱bu̱, rí mutha má xúʼko̱ rí gajkhun ga̱jma̱a̱ rí manindxaxoʼ májánʼ xa̱bu̱. Xtángoo rí na̱ʼkha̱ náa Biblia nambáyaxoʼ makuwáanʼxo májánʼ ga̱jma̱a̱ mundxaʼwa̱a̱ májánʼ edxaxo ma̱ngaa nuñajunʼ májánʼ, ga̱jma̱a̱ naʼni rí makuwáanʼ mbá kambáxaxo bi̱ kuwáanʼ mbá guʼwáanʼ. Numuu rí nduya̱a̱xo májánʼ rí “Dios tsiʼne huajinʼ xabo”. Ikha jngó, xúgínʼ a̱ngia̱xo kuwa náa xúgíʼ numbaaʼ, ikhiin nambáxu̱u̱n gajmiún xúgínʼ xa̱bu̱, na̱nguá exmiéjunʼ á mu ikhiin ñajúnʼ imba̱ raza ga̱jma̱a̱ na̱nguá exmiéjunʼ eʼni política. Maski ajndu ikháanʼ ñajuanxoʼ xa̱bu̱ numbaaʼ xó má iʼwíínʼ xa̱bu̱, mbá xúgiáanʼ ñajuanʼxo mbá xuajin, nda̱a̱ imbo̱o̱ xóo rígi̱ (Hechos 4:13; 10:34, 35).

• Ndiéjunʼ eʼni rí manindxaxoʼ mbríguáanʼ ikháanʼxo bi̱ nutaraʼa numuu Jeobá gajmiáxoʼ eʼwíínʼ xa̱bu̱ rá.

• Ndiéjunʼ xtángoo rí naʼsngálóʼ Biblia rá.