Guʼguanú asndu náa a̱jkiu̱ún xa̱bu̱

Nuʼnimbulú kuʼyáá Jeobá numuu dí nagájnuu asndu náa a̱jkiu̱lú (Pr 3:1). Ikha jngóo índo̱ nuʼsngáa gíʼmaa muʼnitsiakimijna̱ muʼgua̱nú asndu náa a̱jkiu̱ún bi̱ nuʼsngúún. Xú káʼnii gándoo guʼni rá.

Raʼkháa i̱ndó muʼsngúún xa̱bu̱ ga̱jma̱a̱ numuu Biblia, rí phú gíʼmaa muʼni mumbaʼñún mugíʼ muni rí kúwá rajmañún ga̱jma̱a̱ rí maʼndún kuyáá Jeobá. Gusngajmún mu mbuyáá rí ikha dí na̱ʼkha̱ náa Biblia nasngájma rí Dios májáanʼ a̱jkiu̱u̱n ga̱jma̱a̱ rí nandoo kaʼñún. Gurájxu̱u̱n ga̱jma̱a̱ májáánʼ mu mbuʼyáá xú káʼnii endxaʼwamíjna̱ ga̱jma̱a̱ numuu rí kúwá rajmañún. Gumbaʼñún mu buyáá xú káʼnii gakuwa itháán májánʼ á mu nuniñaanʼ runi rí tsénigu̱u̱ʼ Dios. Índo̱ guʼyáá rí bi̱ nuʼsngúún nandún kuyáá Jeobá rúʼko̱ gaʼni rí makuwaanʼ itháan gagi.

NDA̱WA̱Á RÍ NITAYÁÁ VIDEO RÍ MUʼSNGÚÚN XA̱BU̱ NAʼNI RÍ MAKUWÁANʼ GAGI. GAJMAÑULÚ MUʼSNGÁA MÁJÁNʼ: GUʼGUANÚ ASNDU NÁA A̱JKIU̱ÚN XA̱BU̱, ATRIʼÑA̱A̱ GRAXE̱ RÍGI̱:

• 

  Náá numuu dí Rita nirajxu̱u̱ Coral á mu nindxa̱ʼwáminaʼ dí niʼthúu̱n nákha martes xá.

• 

  Xú káʼnii niʼni Rita mu Coral mbaʼyoo rí Jeobá nandoo kaʼyoo rá.

• 

  Xú káʼnii niʼni Rita mu Coral masngájma rí nandoo kaʼyoo Jeobá rá.