Aukam Ol Zeoba Witnis Bizit Pipol Uda Olredi Wea Amen?

Mipla mite plenti pipol uda olredi wea amen o rilizan blo dempla ane ol laik po tokbaut Baibol. Wi rispekt i rait blo ebribodi po gad dempla oun bilib nomata i dipren prom mipla. Ane wi no wande pose enibodi po lisen po mipla mesiz.

Wen wi tok po samwan baut rilizan, wi pole wiskain da Baibol inkariz mipla po tok “wea naiswei” ane po “gad rispekt” po pipol. (1 Pita 3:16) I orait dat sam pipol mait no gri wea da mesiz wi karem. (Matiu 10:14) Bat wi no sabe wiskain ol go pil, anles wi tok po dempla pas. Wi sabe tu, wanem i apen wea laip blo pipol ken seinz.

Wase diskain, sambodi maitbi tu bizi po tok wandei, bat nadataim ol api po yan. Ane ol niu problem ken kamap po pipol o maitbi adtaim meke dempla stragal, den i mube dempla po wande sabe mo baut mesiz blo Baibol. So, mipla kip gobaigen po bizit pipol.