• Soe Eso Gobaigen po Laip God bin Gibe Yumi
    Kese Apilaip Poeba!—Baibol Stadi Po Yu

    • 5. No erte beibi uda no bon yet

      Wan oman rabe beli blo em.

      Wea wan song blo Deibid, em tokbaut wiskain Zeoba mina tekenotis wanem i apen po beibi insaid beli, bipo em bon. Rid Song blo Sam 139:13-17, ane tokbaut dis kwestin ya:

      • Wiskain Zeoba i tingk? Laip blo sambodi i stat wen em gro insaid beli, o i stat wen em bon?

      Bipotaim, dem lo Zeoba gibe dem pipol blo Izrael, bin lugaut ol mama ane em pikinini stil insaid beli. Rid Eksodis 21:22, 23, ane tokbaut dem kwestin ya:

      • Wiskain Zeoba pil baut sambodi uda no min po meke samting nugud apen, wea pikinini stil insaid beli i lus?

      • Wiskain Zeoba go pil baut sambodi uda min po mekem?b

      • Wiswei, yu gri wea tingking blo God a?

      Plei da BIDYO.

      BIDYO: Tingbaut Laip Seimkainwei Wase God (5:00)

      Wan oman mait bilib laip i spesil, bat em mait pil em mas suz po stape laip blo beibi insaid beli, wase abortion. Rid Aizaia 41:10, ane tokbaut dem kwestin ya:

      • Ip samwan trai po pose wan oman po stape laip blo em beibi, da oman ken gopo uda po gede elp? Aukam?