Yu Ken Bi Pren Blo Zeoba

Zeoba wande yu po sabe em mobeta. Aukam? Em mina wande yu po sabe pasin blo em, da wei em trite pipol, ane wanem em promis po yumpla, so i go mube yu po mina wande bi pren blo em. Wiswei, ken yu bi pren blo God a? (Rid Zemes 2:23.) Wanem yu mas mekem po kam pren blo em? Baibol i ansa dem kwestin, ane soe aukam Zeoba i wan impotant pren yu ken gad.

1. Wanem inbait Zeoba gibe yu?

“Yupla mas mata go klostu po God, ane wen yupla mekem diskain, God i go kam klostu po yupla.” (Zemes 4:8) Wanem diswan min? Zeoba aske yu po kam pren blo em. Sam pipol mait tingk i gobi ad po kam pren wea God bikoz ol kan luk em. Bat, lo Wod blo em, Zeoba spik yumi ebriting po sabebaut pasin blo em, sole yumi ken kam klostu po em. Wen yumi ride mesiz blo God prom Baibol, yumi go kam mo klostupren wea Zeoba, nomata yumi kan luk em.

2. Aukam Zeoba i da bes Pren yu go gad?

Zeoba labe yu moden enibodi. Em wande yu po bi api, ane prea po em wen yu nide elp. Yu ken “gibe ebridem wori blo yupla po God, bikoz em lugaut yupla.” (1 Pita 5:7) Zeoba i ebritaim redi po meke yu strong, gibe yu kampot, ane lisen po ol pren blo em.​—Rid Song blo Sam 94:18, 19.

3. Wanem Zeoba wande em pren po mekem?

Zeoba gad lab po ol pipol, “bat em klostupren i demwan uda i gad raitwei.” (Proberb 3:32) Zeoba wande ol pren blo em po trai po meke demting em spik i gud, ane po stap prom meke demting em spik i bad. Sam tingk i prapa ad po pole wanem Zeoba i spik i gud ane bad. Bat, Zeoba i gad labing at. Em api wea enibodi uda labe em, ane traiad po meke em api.​—Song blo Sam 147:11; Pas Misnare Wok 10:34, 35.

TINGBAUT MO NAU

4. Eibram i bin pren blo Zeoba

Baibol stori blo Eibram (nada neim i Abram) go soe yumi wanem i min po bi pren blo God. Ridbaut Eibram lo Zenasis 12:1-4. Den tokbaut dem kwestin ya:

• Wanem Zeoba bin aske Eibram po mekem?

• Wanem promis Zeoba bin gibe em?

• Wanem Eibram bin mekem, wen Zeoba bin tok po em?

5. Wanem Zeoba ask prom em pren

Wi go wande ol pren blo yumi po trite yumi gudwei.

• Wanem sam ting yu wande pren blo yu, po mekem po yu?

Rid 1 Zon 5:3, ane tokbaut dis kwestin ya:

• Wanem Zeoba wande ol pren blo em po mekem?

Wi mait go nid po seinze wei ane pasin blo yumi, sole yumi ken obei Zeoba. Rid Aizaia 48:17, 18, ane tokbaut dis kwestin ya:

• Aukam Zeoba aske em pren po seinze wei blo dempla?

6. Wanem Zeoba mekem po elpe em pren

BIDYO: Zeoba Bin Mina Elpe Mi (3:20)

• Wiskain Zeoba bin elpe da oman lo da bidyo, wen em bin gad nadakain tingking ane piling insaid lo em?

Rid Aizaia 41:10, 13, ane tokbaut dem kwestin ya:

• Wanem Zeoba bin promis em go mekem po ol pren blo em?

• Wiswei, yu tingk Zeoba ken bi wan Gudpren a? Aukam?

7. Po kam pren blo Zeoba, yumi mas lisen ane tok po em

Ol pren go kam moklostu po wananada wen ol yan tugeda. Rid Song blo Sam 86:6, 11, ane tokbaut dem kwestin ya:

• Wiskain yumi ken tok po Zeoba?

• Wiskain Zeoba tok po yumi?

WANEM YU BI LAN

Zeoba wande bi Pren blo yu, ane em go elpe yu po kam klostu po em.

Wiskain Yu Go Spik

• Wiskain Zeoba elpe ol pren blo em?

• Aukam Zeoba spik ol pren blo em po seinze wei blo dempla?

• Wiswei, yu tingk Zeoba wande tumas prom ol pren blo em a? Aukam?

PAINDAUT MO

Wiskain laip blo yu ken kam gud wen yu pren wea God?

“Jehovah​—A God Worth Knowing” (The Watchtower, February 15, 2003)

Lan wiskain yu ken kam pren wea God.

“How Can I Become Godʼs Friend?” (Questions Young People Ask​—Answers That Work, Volume 2, chapter 35)

Paindaut aukam wan oman bi spik Zeoba bin seibe em, wen em bi kam pren wea em.

“I Did Not Want to Die!” (The Watchtower No. 1 2017)

Lisen ol yangpipol tokbaut wiskain dempla pil baut Zeoba.

Wanem I Min po Bi Pren Blo God? (1:46)

6. Wen yumi baptaiz wi gobi pat blo amenpamle blo Zeoba

Wen yumi gede baptaiz, wi gobi pat blo wan big woldwaid amenpamle uda wosip Zeoba tugeda. Nomata mipla kam prom ol dipren kantri ane ol kaltia, mipla gad seim bilib ane pole seim wod blo God wea laip blo mipla. Rid Zemes 2:23 ane 1 Pita 2:17, ane tokbaut dem kwestin ya:

• Apta samwan i baptaiz, wiskain yu tingk Zeoba go pil baut dempla? Wiskain ol amenpamle go pil baut demwan tu?

2. Wiskain yumi ken enzoi apilaip nau?

Zeoba bin meke pipol sole ol “ken lisen da mesiz blo God ane pole em,” dasmin pipol go wande sabebaut em ane wosip em. (Rid Luk 11:28; Matiu 4:4.) Em wande yumi po kam klostupren wea em, “po wagbaut wea olgeda wei blo em, po labe em,” po serbe em “wea olgeda at blo yu.” (Dutaronami 10:12; Zemes 2:23) Wen yumi mekem diskainwei, yumi ken bi prapa api nomata laip i ad. Wen yumi wosip Zeoba, em gibe yumi gud rizan po enzoi laip, ane wi pil mina rait insaid bikoz wi sabe wanem po mekem wea laip.