5. Wanem Zeoba ask prom em pren

Wi go wande ol pren blo yumi po trite yumi gudwei.

• Wanem sam ting yu wande pren blo yu, po mekem po yu?

Rid 1 Zon 5:3, ane tokbaut dis kwestin ya:

• Wanem Zeoba wande ol pren blo em po mekem?

Wi mait go nid po seinze wei ane pasin blo yumi, sole yumi ken obei Zeoba. Rid Aizaia 48:17, 18, ane tokbaut dis kwestin ya:

• Aukam Zeoba aske em pren po seinze wei blo dempla?

Wiswei, nau yu bin stadi Baibol po sam taim, yu pil moklostu po God nau a? Yu wande dat lab yu gad po em, po gro mostrong? Ip yu wandem, no piged, dat wen Zeoba luk yu soe mo lab po em, da mo em go lab ane kea po yu. Wiskain yu go soe em, dat yu lab em?

1. Wiskain yumi ken soe Zeoba yumi lab em?

Yumi soe dat lab yumi gad po Zeoba, wen wi lisen ane obei tok blo em. (Rid 1 Zon 5:3.) Em no pose enibodi po lisen po em. Bat, em gibe yumi ebribodi sans po suz ip yumi go lisen, o no wande lisen po em. Aukam? Zeoba wande yumi po “obei [em] prom at blo yu.” (Rom 6:17) Dasmin, em wande yu po obei em bikoz yu labe em, no bikoz em pose yu. Pat 3 ane 4 blo dis buk, go elpe yu sabe wiskain po soe lab po Zeoba, wen yu meke wanem go plize em ane stap longwei prom demting em eit.

2. Aukam samtaim i ad po soe lab blo yumi po Zeoba?

“Demwan uda rait ane stret gad plenti olkain stragal.” (Song blo Sam 34:19) Yumi gad stragal insaid wen wi mesap. Ane, yumi mait nogad nap mani, sapa nugud tritment, o gad olkain dipren adtaim. Wen yumi go tru demkainting, i maitbi ad po meke wanem Zeoba aske mipla. I mait pil moizi po pole da rong rod. Bat, wen yu traiad po meke wanem Zeoba spik, yu soe yu labe em moden eniting. Yu ken prube yu wande tekesaid blo em ane no wande tanewei prom em. Wa, em nogo tanewei prom yu. Em nogo libe yu.​—Rid Song blo Sam 4:3.

4. Meke at blo Zeoba api

Rid Proberb 27:11, ane tokbaut dem kwestin ya:

• Wiskain Zeoba go pil wen yu pole waizwei, ane yu lisen ane obei em? Aukam?

5. Yu ken tekesaid blo Zeoba

BIDYO: Stanap Po Bilib Blo Yu Wen Pipol Gense Yu (5:09)

• Wiswei, yu tingk i ad samtaim po spikbaut Zeoba po ol nada pipol a?

• Lo da bidyo, wanem bin elpe Grayson po tekemaut dat prait?

I moizi po tekesaid blo Zeoba, wen yumi labe demting em lab ane eite demting em eit. Rid Rom 12:9, ane tokbaut dem kwestin ya:

• Prom wanem yu bin olredi lan, wanem sam demting Zeoba i lab? Wanem sam demting em eit?

• Wanem go elpe yu kam mostrong po lab wanem i gud, bat eit wanem i nugud?

6. I gud po yumi wen yumi lisen ane obei Zeoba

I oltaim gud po yumi po lisen ane obei Zeoba. Rid Aizaia 48:17, 18, ane tokbaut dem kwestin ya:

• Wiswei, yu tingk Zeoba prapa sabe wanem i gud po yumi? Aukam yu tingk diskain?

• Wanem gudsamting yu luk i olredi apen po yu, bikoz yu stadi Baibol ane sabe da tru God, Zeoba?

WANEM YU BI LAN

Yumi ken prube yumi labe Zeoba wen wi lisen ane obei em, ane mata tekesaid blo em iben wen i ad.

Wiskain Yu Go Spik

• Wanem yu bin lan prom Zob?

• Wiskain yu go prube yu prapa labe Zeoba?

• Wanem go elpe yu po tekesaid blo Zeoba?

PAINDAUT MO

Luk wiskain yu ken tekesaid blo Zeoba ane da kongrigeisin.

“With Someone Loyal You Act in Loyalty” (16:49)

Lan mo baut wiskain Satana sake tok gense ol pipol.

“Job Keeps His Integrity” (The Bible​—What Is Its Message? section 6)

Luk wiskain iben yangpipol ane pikinini ken soe ol labe Zeoba tu.

Meke Zeoba Apiwan (8:16)

Wiskain yangpipol ken stanap po God, iben wen ol nada yangpipol trai gede em po meke rong samting?

No Laue Enibodi po Teke Yu da Rongwei! (3:59)

Yumi ebribodi mas suz wanem wi go mekem. Plenti demting wi suzem, ken bi gud po yumi o bad, ane i ken seinze wiskain yumi i pren blo Zeoba. Wase wen yumi tingbaut wea wi go stap, o wiskain po gede mani wi nidem, o po maret. Wen yumi suze gudwei wea laip, yumi gobi api ane plize Zeoba.

1. Wiskain yu ken yuze Baibol po elpe yu suze wiswei i gud?

Bipo yumi suz wanem po mekem, prea po Zeoba ane stadi Baibol, po luk wanem tingking blo Zeoba. (Rid Proberb 2:3-6.) Samtaim Zeoba gibe klia oda o lo. Ip i demkain, den, da bes wei, i po mata lisen po em.

Bat, wotip i nogad eni klia lo prom Baibol, po spik yu wanem po mekem? Zeoba stil go lide yu “lo da wei yu mas wagbaut.” (Aizaia 48:17) Wiskain em ken mekem? I mait gad Baibol skripsa dat ken lide yu. Sam Baibol skripsa kare impotant tising wea i kese tingking ane piling blo God. Wen yumi ride stori prom Baibol, wi ken lan dem piling blo God. Den, wen yumi sabe wiskain Zeoba pil baut samting, yumi ken suze wei dat ken plize em.

2. Wanem yu mas tingbaut pas, bipo yu suz po meke samting?

Da Baibol spik: “Da smatwan go teke taim po tingbaut ebridem step ol mekem.” (Proberb 14:15) Dasmin, bipo wi suze samting, yumi mas teke taim po tingbaut wanem wi go mekem. Wen yu kam po tingbaut samting, aske yuselp: ‘Wanem Baibol skripsa go elpe mi? Wanem da rait samting po mekem? Wanem go apen po ol nada pipol prom wanem ai suzem? Ane mo impotant, wanem go meke Zeoba api?’​—Proberb 27:12.

Zeoba gad da rait po spik yumi wanem i gud ane wanem i bad. Wen wi kam po prapa sabe lo ane tising blo em, ane pil strong po pole demting, wi tise miplaselp po gad gudsens. Dis sens i da piling yumi gad insaid po sabe ip samting i rait o rong. (Rom 2:14, 15) Wen yu tise yuselp, o sens blo yu, po sabe mo baut wanem i rait ane rong, i go elpe yu suz wanem i gud po yu.

TINGBAUT MO NAU

3. Laue Baibol po elpe yu

BIDYO: Laue Tising Blo Baibol Po Lide Yu (5:54)

• Wanem mina nais gipt Zeoba bin gibe yumi?

• Aukam Zeoba bin laue yumi po suz po miplaselp wiswei po go?

• Wanem em bin gibe yumi po elpe yumi po suz da bes wei po go?

Po luk wan demkain Baibol tising, rid Episis 5:15, 16. Den tokbaut wiskain yu ken “yuze ebri sans po meke gudsamting” po . . .

• ride Baibol ebritaim.

• kam mobeta wea maretlaip, o mobeta papa, mama, boi pikinini, o gel pikinini.

• gopo ol amenmiting.

4. Lane yuselp po kese gudsens sole yu suze wiswei i gud

BIDYO: “No Laue Eniting Po Spoile Gudsens Blo Yu” (5:13)

• Lo da bidyo, wanem da sisi bin mekem, po lane emselp po gad gudsens, sole em sabe wiskain po plize Zeoba?

Aukam mipla no aske nada pipol po suze wanem po mekem? Rid Ibrupipol 5:14, ane tokbaut dem kwestin ya:

• I maitbi moizi po aske samwan po suz po mipla wanem po mekem, bat wanem yumi mas sabe po miplaselp?

• Wanem gudsamting mipla gad po lukap, po elp lane yuselp po suz wanem i gud po yu?

5. Soe rispekt po wanem nada pipol suzem

Ol dipren pipol go suze ol dipren samting ol wande mekem. Wiskain yumi ken soe rispekt po wanem nada pipol suzem po mekem? Tingbaut 2 stori ya:

Stori 1: Wan sisi uda laik po yuze mekap ane were lipstik, bin mub gopo wan kongrigeisin wea i gad plenti amensisi uda tekenotis demkainting, ane tingk i obamak po werem.

Rid Rom 15:1 ane 1 Korint 10:23, 24, ane tokbaut dem kwestin ya:

• Prom dem skripsa, wanem dat sisi mait suz po mekem? Wanem yu go mekem ip yu wea samwan uda bilib i rong po meke dat samting?

Stori 2: Wan bala sabe Baibol spik i no rong po dringk lelbet wain o alkol, bat em suz no po dringk eni demkainting. Den, em gopo kaikai wea aus blo samwan ane em luk sam amenbala i dringk de.

Rid Iklaziastis 7:16 ane Rom 14:1, 10, ane tokbaut dem kwestin ya:

• Prom dem skripsa, wanem dat bala mait suz po mekem? Wanem yu go mekem ip yu luk samwan meke samting wea yu tingk i rong?

Wanem demting go elpe yu suze da raitwei po go wea laip?

1. Aske Zeoba po elpe yu po suze wanem po mekem.​—Zemes 1:5.

2. Meke stadi ane lukap Baibol ane ol nada Baibol stadi buk po paine ol rait skripsa po yuzem wea laip blo yu. Yu mait wande tok po ol nada Kristian uda sabe Baibol tu.

3. Tingk pas ane tekenotis wiskain yu go pil wen yu suz po meke samting ane wiskain i go meke ol nada pipol pil.

WANEM YU BI LAN

Wen wi sabe wanem Zeoba pil baut samting, yumi go suze da raitwei po meke samting wea laip. Yumi mas tingk pas baut wanem wi go mekem, bikoz i ken elpe pipol o erte dempla tu.

Wiskain Yu Go Spik

• Wiskain yu ken suz po meke samting sole i go plize Zeoba?

• Wiskain yu ken lane yuselp, po gad gudsens?

• Wiskain yumi ken soe rispekt wen nada pipol suzem wanem ol wande mekem?

PAINDAUT MO

Wiskain yu ken sabe wanem wei po suzem, po meke yu moklostu pren blo God?

“Make Decisions That Honor God” (The Watchtower, April 15, 2011)

Lan mo baut wiskain Zeoba gibe waiztok po elpe yumi.

Jehovah Guides His People (9:50)

Lan wanem bin elpe wan man, meke main baut wiswei po go wea em laip.

Mata Zeoba Meke Ebri Gudting Em Promis (5:46)

Lan mo baut wiskain yumi ken plize Zeoba, wen em no bin gibe klia lo, baut wanem po mekem.

“Do You Always Need a Bible Command?” (The Watchtower, December 1, 2003)