• Yu Ken Bi Pren Blo Zeoba
    Kese Apilaip Poeba!—Baibol Stadi Po Yu

    • 5. Wanem Zeoba ask prom em pren

      Wi go wande ol pren blo yumi po trite yumi gudwei.

      • Wanem sam ting yu wande pren blo yu, po mekem po yu?

      Rid 1 Zon 5:3, ane tokbaut dis kwestin ya:

      • Wanem Zeoba wande ol pren blo em po mekem?

      Wi mait go nid po seinze wei ane pasin blo yumi, sole yumi ken obei Zeoba. Rid Aizaia 48:17, 18, ane tokbaut dis kwestin ya:

      • Aukam Zeoba aske em pren po seinze wei blo dempla?

      Wan wokman gibe elmet po em wokmet po kip em seip.

      Ol gudpren go spik yumi wanem po mekem po lugaut ane elpe yumi. Zeoba go meke seimwei wea ol pren blo em

  • Wanem Yumi Ken Mekem Po Soe Lab po Zeoba?
    Kese Apilaip Poeba!—Baibol Stadi Po Yu
    • Lesen 34. Wan man wea siti luk go antap po eben.

      LESEN 34

      Wanem Yumi Ken Mekem Po Soe Lab po Zeoba?

      Wiswei, nau yu bin stadi Baibol po sam taim, yu pil moklostu po God nau a? Yu wande dat lab yu gad po em, po gro mostrong? Ip yu wandem, no piged, dat wen Zeoba luk yu soe mo lab po em, da mo em go lab ane kea po yu. Wiskain yu go soe em, dat yu lab em?

      1. Wiskain yumi ken soe Zeoba yumi lab em?

      Yumi soe dat lab yumi gad po Zeoba, wen wi lisen ane obei tok blo em. (Rid 1 Zon 5:3.) Em no pose enibodi po lisen po em. Bat, em gibe yumi ebribodi sans po suz ip yumi go lisen, o no wande lisen po em. Aukam? Zeoba wande yumi po “obei [em] prom at blo yu.” (Rom 6:17) Dasmin, em wande yu po obei em bikoz yu labe em, no bikoz em pose yu. Pat 3 ane 4 blo dis buk, go elpe yu sabe wiskain po soe lab po Zeoba, wen yu meke wanem go plize em ane stap longwei prom demting em eit.

      2. Aukam samtaim i ad po soe lab blo yumi po Zeoba?

      “Demwan uda rait ane stret gad plenti olkain stragal.” (Song blo Sam 34:19) Yumi gad stragal insaid wen wi mesap. Ane, yumi mait nogad nap mani, sapa nugud tritment, o gad olkain dipren adtaim. Wen yumi go tru demkainting, i maitbi ad po meke wanem Zeoba aske mipla. I mait pil moizi po pole da rong rod. Bat, wen yu traiad po meke wanem Zeoba spik, yu soe yu labe em moden eniting. Yu ken prube yu wande tekesaid blo em ane no wande tanewei prom em. Wa, em nogo tanewei prom yu. Em nogo libe yu.​—Rid Song blo Sam 4:3.

      TINGBAUT MO NAU

      Lanbaut aukam i meke Zeoba api wen yu lisen ane obei em, ane lan wanem ken elpe yu po mata tekesaid blo em.

      3. Satana sake tok baut yu

      Lo da Baibol buk blo Zob, yumi ridbaut wiskain Satana bin sake tok gense Zob ane ol nada pipol uda wande serbe Zeoba. Rid Zob 1:1, 6–2:10, ane tokbaut dem kwestin ya:

      • Wanem rizan Satana reken Zob bin wande obei Zeoba?​—Rid Zob 1:9-11.

      • Wiskain Satana sake tok baut ol pipol, ane baut yu tu?​—Rid Zob 2:4.

      Rid Zob 23:11, 12, ane tokbaut dis kwestin ya:

      • Wiskain Zob bin prube em prapa labe Zeoba?

      Satana sake tok po Zeoba. Em daune da gudwei blo Zob, uda gad ol gaima wea bodi blo em, ane em daune wan amensisi uda serbe Zeoba tidei.

      Zob prube em prapa labe Zeoba wen em tekesaid blo em

      Yumi prube wi prapa labe Zeoba wen yumi tekesaid blo em

      4. Meke at blo Zeoba api

      Rid Proberb 27:11, ane tokbaut dem kwestin ya:

      • Wiskain Zeoba go pil wen yu pole waizwei, ane yu lisen ane obei em? Aukam?

      5. Yu ken tekesaid blo Zeoba

      Da lab yumi gad po Zeoba, mube yumi po spik ol nada pipol baut em. Bikoz yumi pinis tekesaid blo Zeoba, i mube yumi po tokbaut em, iben wen i no izi. Plei da BIDYO, ane tokbaut dem kwestin ya.

      BIDYO: Stanap Po Bilib Blo Yu Wen Pipol Gense Yu (5:09)

      • Wiswei, yu tingk i ad samtaim po spikbaut Zeoba po ol nada pipol a?

      • Lo da bidyo, wanem bin elpe Grayson po tekemaut dat prait?

      I moizi po tekesaid blo Zeoba, wen yumi labe demting em lab ane eite demting em eit. Rid Rom 12:9, ane tokbaut dem kwestin ya:

      • Prom wanem yu bin olredi lan, wanem sam demting Zeoba i lab? Wanem sam demting em eit?

      • Wanem go elpe yu kam mostrong po lab wanem i gud, bat eit wanem i nugud?

      6. I gud po yumi wen yumi lisen ane obei Zeoba

      I oltaim gud po yumi po lisen ane obei Zeoba. Rid Aizaia 48:17, 18, ane tokbaut dem kwestin ya:

      • Wiswei, yu tingk Zeoba prapa sabe wanem i gud po yumi? Aukam yu tingk diskain?

      • Wanem gudsamting yu luk i olredi apen po yu, bikoz yu stadi Baibol ane sabe da tru God, Zeoba?

      SAM PIPOL SPIK: “God no tekenotis wanem ai mekem.”

      • Wanem skripsa yu ken yuzem po soe wanem yu mekem, ken meke Zeoba api o pil sore?

      WANEM YU BI LAN

      Yumi ken prube yumi labe Zeoba wen wi lisen ane obei em, ane mata tekesaid blo em iben wen i ad.

      Wiskain Yu Go Spik

      • Wanem yu bin lan prom Zob?

      • Wiskain yu go prube yu prapa labe Zeoba?

      • Wanem go elpe yu po tekesaid blo Zeoba?

      Po Mekem

      PAINDAUT MO

      Luk wiskain yu ken tekesaid blo Zeoba ane da kongrigeisin.

      “With Someone Loyal You Act in Loyalty” (16:49)

      Lan mo baut wiskain Satana sake tok gense ol pipol.

      “Job Keeps His Integrity” (The Bible​—What Is Its Message? section 6)

      Luk wiskain iben yangpipol ane pikinini ken soe ol labe Zeoba tu.

      Meke Zeoba Apiwan (8:16)

      Wiskain yangpipol ken stanap po God, iben wen ol nada yangpipol trai gede em po meke rong samting?

      No Laue Enibodi po Teke Yu da Rongwei! (3:59)