4. Zeoba wande yu po sabe ane yuze em neim

BIDYO: Wanem Neim Blo God?—Smol Pat (3:11)

• Wiswei yu tingk, Zeoba wande pipol po sabe neim blo em? Aukam?

Zeoba wande pipol po yuze neim blo em. Rid Rom 10:13, ane tokbaut dem kwestin ya:

• Aukam i impotant po yuze neim blo God, Zeoba?

• Wiskain yu pil wen samwan rimemba ane kole neim blo yu?

• Wiskain yu tingk Zeoba mas pil wen yu yuze ane kole neim blo em?

1. Wiskain ol laia rilizan lai baut God wea ol tising blo dempla?

Ol laia rilizan “nomo bin wande bilib da trutok blo God, dempla bin mata bilib ol laitok.” (Rom 1:25) Plenti rilizan no tise neim blo God po pipol uda pole dempla. Bat, da Baibol spik yumi mas yuze neim blo God. (Rom 10:13, 14) Sam bigman blo rilizan spik wen ol nugudting i apen, God bin wande demting po apen. Bat, datwan i lai. God kan meke nugudting. (Rid Zemes 1:13.) Sorewan, dem lai blo rilizan, meke pipol stap longwei prom God.