Plenti pipol mait pil sem o pil i no izi po tokbaut seks. Bat, wen da Baibol tokbaut seks, i mekem wea wei, wea i soe rispekt, ane seimtaim i no aidem, i tok stret tu. Wanem Baibol spik go elpe yumi. I meke sens, bikoz Zeoba i da wan uda bin Meke yumi. Wa, em sabe wanem i bes po yumi. Em spik yumi wanem go plize em ane wanem ken elpe yumi kese apilaip poeba.

1. Wanem Zeoba spikbaut seks?

Seks i samting gud, bikoz i kam prom Zeoba. Em wandem po man ane oman uda maret po wananada, po enzoi em. Seks laue maretman ane oman po gad pikinini ane demtu ken soe lab po wananada lo diswei tu. Daswai, Wod blo God spik: “Yu bi api wea da oman yu maret prom yang.” (Proberb 5:18, 19) Zeoba spik ol maret Kristian mas kiptru po wananada, so ol mas no slipraun.​—Rid Ibrupipol 13:4.

2. Wanem kain seks i sin?

Da Baibol spik yumi, “dem pipol uda oltaim meke olkain sekssin . . . nogo stap wea dat ples wea God i ruloba ebriwan.” (1 Korint 6:9, 10) Demwan uda raite Baibol lo Grik langus, yuze da wod por·neiʹa po eksplein wanem sekssin i min. Dat Grik wod ken min, (1) seksa wea pipol no maret po wananada, (2) man uda slip wea man o oman uda slip wea oman, ane (3) seks wea animal. Yumi plize Zeoba ane lugaut miplaselp wen wi “no meke olkain sekssin ane no slipraun.”​—1 Tesalonika 4:3.

TINGBAUT MO NAU

3. Ranwei prom olkain nugud sekssin

Zosep bin spik no ane ranwei prom wan oman uda bin wande slip wea em. Rid Zenasis 39:1-12, ane tokbaut dis kwestin ya:

• Aukam Zosep bin ranwei? ​—Rid Zenasis 39:9.

• Wiswei, yu tingk Zosep bin rait po tekop? Aukam?

BIDYO: Tekop Prom Nugud Sekssin (5:06)

Zeoba wande yumi ebribodi po tanewei prom ol nugud sekssin. Rid 1 Korint 6:18, ane tokbaut dem kwestin ya:

• Trai tingbaut nau. Wanem dem taim wea i ken kese sambodi ane dempla endap meke nugud sekssin?

• Wanem yu mas mekem po stap longwei prom ol nugud sekssin?

4. Yu ken paite eniting wea i tempte yu

BIDYO: Ride Baibol Po Elp Paite Eniting Wea I Tempte Yu (3:02)

• Wea da bidyo, wen da Bala bin tekenotis wanem em tingbaut ane mekem, mait lide em po no kiptru po em oman, wanem em bi suz po mekem den?

Iben ol longtaim Kristian stragal tu, po meikso tingking blo dempla stap klin. Wen dem nugudtot kam, wanem yu ken mekem sole i no tekoba tingking blo yu? Rid Pilipi 4:8, ane tokbaut dem kwestin ya:

• Wanem dem samting yu mas trai po tingbaut?

• Wen yumi bizi serbe Zeoba ane ride Baibol ebritaim, wiskain i ken elp stape sin prom tekoba mipla?

5. Ol lo blo Zeoba mina elpe yumi

BIDYO: Em Nogad Gudsens (9:31)

• Wiskain da yangman bin endap samwea wea i tempte em?—Rid Proberb 7:8, 9.

• Proberb 7:23, 26 soe dem nugud sekssin ken lide yumi po deinza. Ip wi stap klinwei wea laip, wanem problem yumi ken kip wei prom?

• Wiskain dat klinwei wea laip, go elpe yumi kese apilaip poeba?

Sam pipol tingk Baibol no soe lab, wen i spik i rong po man po slip wea man o, oman po slip wea oman. Bat Zeoba, da God blo lab, wande yumi ebribodi po kese apilaip poeba. So, po pit diskain laip, yumi mas pole wanem God spik i rait ane rong. Rid 1 Korint 6:9-11, ane tokbaut dis kwestin ya:

• God i spik dem ubi wea man bane ai po man, o oman po oman i rong, bat i gad eni nada rong ubi em no laik a?

Yumi ebribodi mas meke seinz po plize God. Bat, yu tingk i tumas adwok a? Rid Song blo Sam 19:8, 11, ane tokbaut dem kwestin ya:

• Wiswei, wen Zeoba spik yumi po stap klinwei wea laip, i meke sens po lisen ane obei a? Aukam yu spik demkain?

WANEM YU BI LAN

Seks i samting gud, bikoz i kam prom Zeoba. Em wandem po maretman ane oman po enzoi em.

Wiskain Yu Go Spik

• Wanem dem diprenkain nugud sekssin?

• Wanem go elpe yumi po stap longwei prom ol nugud sekssin?

• Aukam i gud po yumi po pole klinwei blo Zeoba?

PAINDAUT MO

Lan aukam God spik i impotant, dat man ane oman uda wande stap tugeda, mas maret pas.

“What Does the Bible Say About Living Together Without Marriage?” (Web article)

Nomata Baibol tis i rong po man ane man, o oman ane oman po slip tugeda, lan wiskain i tis no po eite eni pipol.

“Is Homosexuality Wrong?” (Web article)

Lan aukam lo blo God baut seks lugaut yumi.

“Is Oral Sex Really Sex?” (Web article)

Wea dis laipstori “They Treated Me With Dignity,” luk wiskain wan man uda bi laik po man bin seinze wei blo em po plize God.

“The Bible Changes Lives” (The Watchtower, April 1, 2011)

Lo sam kaltia, pipol bilib dat samwan mas maret pas, den ol gobi api. Bat, no ebri maret pipol i api, ane no ebri pipol uda no maret, i stap sorewan. Wa, da Baibol soe maretlaip, ane demwan uda singgel, i gudsamting.

1. Demwan uda singgel ken kese wanem blesing?

Da Baibol spik: “Da wan uda maret i orait po em po maret ane da wan uda no maret i mobeta po em po no maret.” (Rid 1 Korint 7:32, 33, 38.) Lo wiskain wei i gobi “mobeta” po da wan uda no maret? Wel, ol singgel Kristian no nid po woribaut sambodi po lukapta. Wa, dempla i pri po meke wanem ol wandem. Sam meke ol diprenkain samting wea amenwok, wase mub gopo nada ples po pris. Moden dat, dempla ken spene mo taim po kam moklostu po Zeoba.

2. Demwan uda maret, prapawei wea lo, ken kese wanem blesing?

Maretlaip ken bi gud tu, seimkain wase singgel laip. Da Baibol spik “tu i mobeta den wan.” (Iklaziastis 4:9) Wa, i ken apen diskain wen ol Kristian yuze Baibol skripsa insaid maretlaip blo demtu. Ip tu pipol maret wea gabman lo, demtu promis po lab, rispekt, ane kea po wananada. So demtu go wande kiptru po wananada, moden pipol uda kasa stap tugeda. Maretlaip go meke pamle strong ane pikinini go pil seip tu.

3. Wanem Zeoba tingbaut maretlaip?

Wen Zeoba bin zoine dem pas tu pipol po maret, em bi spik: “Man i go libe papa ane mama blo em ane mata stap klostu wea oman blo em.” (Zenasis 2:24) Zeoba wande maretman ane maretoman po lab ane mata stap klostu po wananada po gud. Em laue dibos, po mata wan rizan. Wen wan prom demtu slipraun, diswan broke maretlo. Wen diskainting i apen, Zeoba laue da wan uda no bi meke rong, po suz ip em wande gede dibos, o pogib.a (Matiu 19:9) Wen Zeoba bin meke maretlo de pas, em bin zoine wan man ane wan oman. Apta, Zizas bin sapot dis lo. (Matiu 19:4-6) So, ol Kristian uda maret nau, no lau po kipe moden wan maretmet.

TINGBAUT MO NAU

4. Yuze singgel laip po meke gudsamting

Zizas bin spik i orait ip sam pipol no maret. (Matiu 19:11, 12) Rid Matiu 4:23, ane tokbaut dis kwestin ya:

• Wanem Zizas bin pri po mekem po em Papa ane po nada pipol, bikoz em no bin maret?

Kristian pipol uda no maret ken pil mina api, wen ol yuze laip blo dempla seimkainwei wase Zizas bin mekem. Plei da BIDYO, den tokbaut dis kwestin ya.

BIDYO: Ol Singgel Kristian Serbe Zeoba (3:11)

• Lo wiskain wei ken ol singgel Kristian yuze laip blo dempla ane kese plenti blesing?

Yu bin sabe a?

Da Baibol no gibe da eiz po maret. Bat, i inkariz sambodi po weit lelbet pas, bikoz i ken bi ad po yangpipol po suz wanem da raitwei, wen em gad ol strongpiling insaid ane “em kan kontrol emselp.”​—1 Korint 7:36.

5. Teke taim po suze uda yu go maret

Wen i kam po suze sambodi po maret, i mina impotant uda yu suzem. Rid Matiu 19:4-6, 9, ane tokbaut dis kwestin ya:

• Aukam wan Kristian mas no ariap po maret?

Da Baibol ken elpe yu sabe wanem pasin po luk po, wen yu suze sambodi po maret. I mina impotant po maret sambodi uda labe Zeoba.b Rid 1 Korint 7:39 ane 2 Korint 6:14. Den tokbaut dem kwestin ya:

• Aukam mipla mas mata maret nada Kristian?

• Wiskain yu tingk Zeoba go pil ip yumi suz po maret sambodi uda no labe Em?

6. Tingbaut maretlaip seimkain wase Zeoba

Bipotaim wea Izrael, sam man bin dibos oman blo dempla po ol kasa rizan ane ol mata tingbaut demplaselp. Rid Malakai 2:13, 14, 16, ane tokbaut dis kwestin ya:

• Aukam Zeoba eit wen pipol dibos po eni rizan wea Baibol no laue em?

Plei da BIDYO, den tokbaut dis kwestin ya.

BIDYO: Maret​—Wan Promis Po Oltaim (4:30)

• Ip yu maret po sambodi uda no labe Zeoba, wanem yu go mekem sole yu gad api maretlaip?

7. Pole wanem Zeoba spikbaut maretlaip

BIDYO: Yu Ken Pole Wanem Zeoba Spikbaut Maretlaip (4:14)

Rid Ibrupipol 13:4, ane tokbaut dem kwestin ya:

• Wiswei, yu tingk yu ken pole lo blo Zeoba wen i kam po maret? Aukam?

Plenti kantri gad lo, wea gabman spik pipol mas register ane saine peipa po maret o dibos, ane Zeoba wande ol Kristian po register maret o dibos blo dempla. Rid Taitas 3:1, ane tokbaut dis kwestin ya:

• Ip yu maret, yu bin meikso i stret wea lo blo gabman a?

WANEM YU BI LAN

Pipol uda maret o singgel ken gad apilaip, bikoz i gudsamting prom Zeoba. Wen ol pole wei blo em klostuwan, ol ken enzoi laip mo.

Wiskain Yu Go Spik

• Wiskain sambodi uda no maret, ken yuze laip blo dempla po meke gudsamting?

• Aukam Baibol spik i impotant po mata maret wan nada Kristian?

• Wanem Baibol spik i da wan rizan po dibos?

PAINDAUT MO

Wanem i min “po maret Kristian”?

“Questions From Readers” (The Watchtower, July 1, 2004)

Luk 2 sot bidyo po elpe yu suze gudwei, wen i kam po uda yu go laik po o tingbaut po maret.

Wanem po Tingbaut Bipo Yu Maret (11:53)

Lisen wan bala tokbaut wiskain da laip Zeoba gibe em nau, i mo impotant den demting em libem biain.

Ai Bin Wande Mai Gelpren po Lane Baibol Tu (1:56)

Wanem sam ting sambodi mas tingbaut pas bipo ol dibos o libe wananada?

“Honor ‘What God Has Yoked Together’” (The Watchtower, December 2018)