3. Wiskain ol Witnis blo Zeoba soe seimkain lab wase Zizas?

Zizas bin prapa labe klostuman blo em, ane dempla bin wase pamle blo em. (Rid Mak 3:35.) Seimkainwei, ol Witnis blo Zeoba zoin tugeda po kam wan big woldwaid pamle. Daswai, mipla kole wananada bala ane sisi. (Pilemon 1, 2) Ane mipla obei da oda: “Demwan uda i labe God i mas wantaim labe amenpamle blo dempla.” (1 Zon 4:21) Ol Witnis blo Zeoba soe dis lab lo olkainwei, wase wen mipla elpe ol amenpamle, raun da wold wen ol i nidem.

6. Wen yumi baptaiz wi gobi pat blo amenpamle blo Zeoba

Wen yumi gede baptaiz, wi gobi pat blo wan big woldwaid amenpamle uda wosip Zeoba tugeda. Nomata mipla kam prom ol dipren kantri ane ol kaltia, mipla gad seim bilib ane pole seim wod blo God wea laip blo mipla. Rid Zemes 2:23 ane 1 Pita 2:17, ane tokbaut dem kwestin ya:

• Apta samwan i baptaiz, wiskain yu tingk Zeoba go pil baut dempla? Wiskain ol amenpamle go pil baut demwan tu?

Wen yumi midel wea ol amenpamle, mipla pil seimkain wase King Deibid bin pil: “I prapa gud ane prapa swit po ol bala po kam tugeda wase wan pipol!” (Song blo Sam 133:1) Mipla amenpamle miks ane wok tugeda lo pis, bat, i no kasa apen. Yumi ebribodi mas sabe wiskain po elp, po kipem laidat.

1. Wanem meke yu atzamp baut pipol blo God?

Ip yu gopo wan amenmiting lo nada kantri, mait yu nogo sabe langus blo dempla, bat yu go pil mina rait ane welkam de wea dempla. Aukam? Bikoz, oloba da wold, mipla yuze dem seim buk ane magazin po stadi Baibol. Ane, mipla traiad po soe lab po wananada tu. Nomata wea wi stap, mipla ebribodi “go kole neim blo Zeoba, po serbe em solda po solda.”—Zepanaia 3:9.

2. Wanem yu ken mekem po elpe amenpamle wok tugeda lo pis?

“Yupla mas soem dat yupla prapa lab wananada wea pul at blo yupla.” (1 Pita 1:22) Wiskain yumi ken pole dis adbais? Wel, no mata tingbaut da badpasin blo sambodi, bat luk po da gudpasin ol gad. Ane, trai kam po sabe mobeta dem bala ane sisi prom ol dipren kaltia o langus, no mata spene taim wea demwan uda laik dem seimkainting wase yu. Ip yumi kare eni nugudpiling baut pipol uda i dipren prom mipla, den wok ad po tekemaut demkain piling.—Rid 1 Pita 2:17.a

3. Wanem yu go mekem wen yu ane nada Kristian i smol rong?

Nomata mipla i wan amenpamle uda miks ane wok tugeda, mipla stil meke misteik. Samtaim wi ken meke samwan apset o iben erte wananada. So Wod blo God spik yumi, “yupla mas pogibe dempla,” bikoz yumi rimemba wad, “[Zeoba] i bin pogibe yupla, so yupla mas pogibe dempla.” (Rid Kolosi 3:13.) Yumi oltaim meke plenti misteik po erte Zeoba, bat em stil pogibe yumi. So, i meke sens em wande yumi po pogibe yumi bala ane sisi. Ip yu rilaiz yu bin rong sambodi, yu ken soe gudpasin ane go luk dempla pas po meke pis ane strete wanem bin apen.—Rid Matiu 5:23, 24.b

TINGBAUT MO NAU

4. Sakwei ol nugudpiling baut pipol

Yumi wande soe lab po ebri bala ane sisi. Bat mait wi stragal po laik samwan uda i dipren prom mipla. Wanem ken elpe yumi? Rid Pas Misnare Wok 10:34, 35, ane tokbaut dem kwestin ya:

• Zeoba wande ol diprenkain pipol po kam Witnis blo em. So nau, ip samwan gad dipren kaltia o langus prom yu, wanem prapa tingking yu mas gad baut dempla?

• Wea yu stap, wanem nugud tritment pipol soem po nada pipol de? Aukam yumi no soe demkain pasin?

Rid 2 Korint 6:11-13, ane tokbaut dis kwestin ya:

• Wiskain yu ken lan po soe mo ane mo lab po ebridem bala ane sisi blo yumi?

5. Bi redi po pogib ane strete problem po kipe pis

Zeoba no meke eni rong, so em neba nid po spik sore po mipla, bat em wiling po pogibe yumi wen wi meke rong samting. Rid Aizaia 55:7, ane tokbaut dem kwestin ya:

• Wanem yu lanbaut da wei Zeoba pogibe yumi?

• Aukam i meke yu pilgud po sabe Zeoba pogibe yu?

• Wanem ken mekem ad po kipe pis ane stape yu prom wande angraun samwan?

Wiskain yumi ken pole seimkain pasin wase Zeoba sole wi kipe pis ane wok longsaid yumi bala ane sisi? Rid Proberb 19:11, ane tokbaut dis kwestin ya:

• Wotip samwan meke yu wail o apset yu, wanem yu ken mekem po trai strete da problem?

Samtaim mipla ken meke samwan wail. Ip diskainting apen, wanem yu go mekem? Plei da BIDYO, den tokbaut dis kwestin ya.

BIDYO: Blesing i Kam Wen Yu Meke Pis (6:01)

• Lo da bidyo, wanem da sisi bin mekem po strete da problem ane meke pis?

6. Tekenotis naiswei blo yumi bala ane sisi

Wen yumi kam moklostu po ol amenbala ane sisi blo yumi, wi kam po sabe ol gudpasin ol soem, ane misteik blo dempla tu. Wiskain yumi ken meke main po mata tingbaut gudpasin ol gad? Plei da BIDYO, den tokbaut dis kwestin ya.

BIDYO: Soe Nais Pasin, No Zaz Kuikwan! (5:10)

• Wanem ken elpe yu po tingk pas, baut da nais pasin blo ol amenbala ane sisi blo yu?

Zeoba mata tekenotis gudpasin blo mipla. Rid 2 Kronikal 16:9a, ane tokbaut dis kwestin ya:

• Wiskain i meke yu pil bikoz yu sabe Zeoba mata luk po gudpasin blo yu?

WANEM YU BI LAN

Yu ken elpe da kongrigeisin po wok tugeda wase wan pipol lo pis, wen yu pogibe ane soe lab po olgeda amenbala ane sisi blo yu.

Wiskain Yu Go Spik

• Wiskain yu ken tekemaut eni nugud tingking yu karem, baut pipol uda yu pil i dipren prom yu?

• Wanem yu go mekem ip yu gad smol rong wea nada bala o sisi?

• Wiswei, yu wande pole da wei Zeoba pogibe pipol a?

PAINDAUT MO

Lanbaut wan stori Zizas bin gibem po elpe yumi no po zaze nada pipol.

Tekemaut da Big Timba (6:56)

Wiswei, yumi nid po spik sore po samwan, ip wi tingk wi no bi meke rong a?

“Apologizing—A Key to Making Peace” (The Watchtower, November 1, 2002)

Luk wiskain sam bala ane sisi bin lane da raitwei po trite pipol, nomata eiz o skin kala blo dempla, o aumas mani ol gad.

No Zaze Sambodi Wen Yu Luk Dempla (5:06)

Lan wiskain yu ken strete wan problem yu gad wea samwan bipo mo trabol mait stat insaid da kongrigeisin.

“Settle Differences in a Spirit of Love” (The Watchtower, May 2016)