3. Wanem yumi ken mekem po soe dat eso gobaigen?

Trai tingbaut ip yu poldaun prom bot insaid lo solwata ane yu no sabe swim. Den, samwan kam po seibe yu prom draun. Yu go piged dempla a? No, yu go luk po wei po soe eso gobaigen po wanem em bin mekem po yu.

Zeoba bin seibe laip blo yumi. Rid 1 Zon 4:8-10 NWT, ane tokbaut dem kwestin ya:

• Aukam sakripais blo Zizas i wan spesil gipt?

• Wiskain yu pil baut wanem Zeoba ane Zizas bin mekem po yu?

Wiskain yumi ken soe eso gobaigen po wanem Zeoba ane Zizas bin mekem po yumpla? Rid 2 Korint 5:15 ane 1 Zon 4:11; 5:3. Apta yu ride dem skripsa, tokbaut dis kwestin ya:

• Prom wanem dem skripsa i spik, wiskain yumi go soe eso gobaigen?

1. Wanem go mube samwan po gibe laip po Zeoba?

Lab mina mube yumi po gibe laip po Zeoba. (1 Zon 4:10, 19 NWT) Da Baibol inkariz yumi: “Labe da AntapGod [Zeoba] wea olgeda at blo yupla, ane olgeda laip blo yupla, ane olgeda sens blo yupla, ane olgeda strong blo yupla.” (Mak 12:30) I no mata wanem yumi spik, bat wanem yumi mekem, go soe yumi lab God. Seimkain wase wan man ane wan oman uda prapa lab wananada go maret, so lab po Zeoba go mube yumi po gibe laip po em ane gede baptaiz.