• Salmo 14:1-7
    Bíblia Sagrada Tradusaun Mundu Foun

    • 14 Ema beik* hanoin iha ninia laran, hodi dehan:

      “Jeová la iha.”+

      Sira halo hahalok aat oioin;

      La iha ema ida mak halo buat diʼak.+

       2 Maibé husi lalehan Jeová hateke tun ba ema

      Hodi haree iha ka lae, ema neʼebé komprende didiʼak, no haree iha ka lae, ema neʼebé buka Jeová.+

       3 Sira hotu laʼo sees ona husi dalan loos;+

      Sira hotu halo aat deʼit.

      La iha ema ida mak halo buat diʼak,

      Ida deʼit mós la iha.

       4 Tanbasá mak ema aat sira-neʼe la komprende?

      Sira tolan haʼu-nia povu hanesan sira han paun.

      Sira la bolu Jeová.

       5 Maibé sira sei sai nakonu ho taʼuk,+

      Tanba Jeová mak hamutuk ho ema hotu neʼebé laran-loos.*

       6 Imi ema aat sira, imi koko atu estraga ema kiʼik nia planu

      sira,

      Maibé Jeová mak ninia fatin protesaun.+

       7 Haʼu harohan katak Izraél nia salvasaun sei mai husi Siaun!+

      Haʼu harohan katak Jacob sei haksolok, no Izraél sei haksolok,

      Bainhira Jeová halibur fali ninia povu neʼebé sai dadur.