20 Entaun Moisés no Arão halo tuir kedas Jeová nia mandamentu. Arão foti ninia ai-tonka no baku bee iha Mota Nilo iha Faraó no ninia atan sira-nia oin, no bee hotu neʼebé iha mota neʼe sai raan.+

6 Entaun Arão lolo liman ba bee hotu iha Ejitu, no manduku sira komesa sai no halo nakonu rai-Ejitu.

17 No sira halo nuneʼe duni. Arão lolo ai-tonka iha ninia liman no baku rai-rahun, no rai-rahun hotu iha rai-Ejitu tomak sai susuk neʼebé haterus ema no animál sira.+

6 Iha loron tuirmai Jeová halo nuneʼe duni, no ema Ejitu nia animál-hakiak oioin hahú mate,+ maibé ema Izraél nia animál-hakiak ida mós la mate.

10 Entaun sira foti ahi-kadesan husi fornu no hamriik iha Faraó nia oin, no Moisés soe neʼe ba anin, no ida-neʼe sai fisur dodok iha ema nia isin no animál nia isin.

23 Entaun Moisés lolo nia ai-tonka ba lalehan, no Jeová halo rai-tarutu no udan ho jelu-fatuk, no ahi* tun ba rai, no Jeová kontinua halo udan ho jelu-fatuk tun ba rai-Ejitu.

12 Tuirmai Jeová dehan ba Moisés: “Lolo ó-nia liman ba rai-Ejitu, hodi nuneʼe gafañotu sira bele mosu iha rai-Ejitu tomak no han ai-horis hotu iha rai neʼe, sira sei han buat hotu neʼebé udan ho jelu-fatuk la estraga.”

21 Tuirmai Jeová dehan ba Moisés: “Lolo ó-nia liman ba lalehan atu nuneʼe bele hamosu nakukun iha rai-Ejitu, nakukun neʼebé metan tebes.”