Primeiru Krónikas
13 David koʼalia hamutuk ho xefe sira ba tropa naʼin-1.000 no xefe sira ba tropa naʼin-100, no mós ho ulun-naʼin hotu.+ 2 Tuirmai David hatete ba kongregasaun* Izraél tomak: “Se imi simu ideia neʼe no Jeová, ita-nia Maromak, mós simu ida-neʼe, mai ita haruka ema lori lia-menon ba ita-nia maun-alin sira seluk iha Izraél nia área tomak no mós ba amlulik no ema Levi sira iha sira-nia sidade+ no rai-luan sira* atu bolu sira mai iha neʼe hamutuk ho ita. 3 No mai ita lori fila Ita-nia Maromak nia Arka.”+ Tanba iha Saul nia tempu ema la tau matan ba Arka neʼe.+ 4 Kongregasaun tomak konkorda atu halo nuneʼe, tanba povu hotu hanoin katak ideia neʼe diʼak. 5 Entaun David halibur ema Izraél hotu, husi mota* iha Ejitu toʼo Lebo-Hamat,*+ atu lori Maromak loos nia Arka husi Kiriat-Jearim.+
6 David no ema Izraél tomak saʼe ba Baala,+ neʼe katak Kiriat-Jearim, suku Judá nia sidade, atu foti fali Maromak loos nia Arka husi neʼebá, Maromak neʼebé tuur iha kerubín sira-nia leten,*+ no iha Arka neʼe mak ema bolu ba Jeová nia naran. 7 Maibé sira tau Maromak loos nia Arka iha karrosa boot neʼebé foun+ no lori neʼe sai husi Abinadab nia uma. Uzá no Ahio mak laʼo iha karrosa neʼe nia oin.+ 8 David no ema Izraél hotu selebra ida-neʼe ho sira-nia forsa tomak iha Maromak loos nia oin, sira kanta knananuk, toka arpa, instrumentu seluk neʼebé iha talin, tamborín,+ simbala+ no huu trombeta.+ 9 Maibé bainhira sira toʼo iha fatin sama trigu nian neʼebé hanaran Kidom, Uzá lolo liman no kaer Arka, tanba karau sira halo Arka neʼe besik atu monu. 10 Ho ida-neʼe, Jeová sai hirus tebes hasoru Uzá, no Maromak oho nia tanba nia lolo liman hodi kaer Arka neʼe,+ no nia mate iha neʼebá iha Maromak nia oin.+ 11 Maibé David sai hirus* tanba Jeová laran-nakali hasoru Uzá. Nuneʼe sira bolu fatin neʼe Peres-Uzá* toʼo ohin loron.
12 Entaun iha loron neʼe David sai taʼuk ba Maromak loos no dehan: “Oinsá mak haʼu bele lori Maromak loos nia Arka ba haʼu-nia sidade?”+ 13 David la lori Arka neʼe ba ninia hela-fatin iha David nia Sidade. Maibé, nia haruka ema atu lori Arka neʼe ba Obed-Edom ema Gat nia uma. 14 Maromak loos nia Arka kontinua iha Obed-Edom nia uma ba fulan tolu, no Jeová nafatin fó bensaun ba Obed-Edom nia umakain no ba buat hotu neʼebé nia iha.+