Moris haksolok ba nafatin iha rai!

Broxura neʼe atu ajuda Ita atu koñese sé maka halo Rai no buat hotu-hotu. Ita sei aprende katak Maromak, Ida neʼebé halo Rai, iha naran. No mós, ami sei esplika tansá maka Maromak halo ema, no oinsá mak Ita bele moris haksolok ba nafatin iha Rai.

Ami hein katak dezeñu barak sei ajuda Ita atu komprende diʼak liu. Atubele aprende diʼak liután, Ita tenke lee eskritura husi Bíblia neʼebé iha dezeñu nia sorin. Hodi halo nuneʼe, Ita sei lee rasik kona-ba saida maka Maromak promete iha Bíblia laran. No mós, Ita sei hatene saida maka Maromak hakarak Ita atu halo hodi simu buat neʼebé nia promete.

Ita mós karik hakarak uza broxura neʼe atu ajuda ema seluk. Se Ita iha oan, Ita bele uza broxura neʼe atu ajuda sira aprende kona-ba Maromak. Iha fatin neʼebé ema barak lee la hatene, Ita bele uza dezeñu sira-neʼe atu ajuda sira komprende Maromak nia hakarak. Nuneʼe, sira mós bele ajuda fali sira-nia maluk.

Ami hein tebes katak estuda liafuan sira-neʼe sei loke dalan ba Ita atu simu bensaun barak, no Ita rasik mós bele hatudu ba ema seluk oinsá maka bele moris ba nafatin iha Rai neʼe.