Idade boot; Ferik-katuas

Ezemplu husi Bíblia:

• Ecl 12:​1-8—Liurai Salomão hakerek poezia kona-ba buat neʼebé akontese kuandu ema sai idade, porezemplu matan sai malahuk (“feto sira neʼebé hateke husi janela haree nakukun deʼit”) no tilun la rona moos (“oan-feto sira kanta ho lian neineik”)

Ezemplu husi Bíblia:

• 1Sa 12:​2, 23—Profeta Samuel neʼebé idade ona rekoñese katak importante tebes atu kontinua halo orasaun ba Jeová kona-ba Ninia povu

• 2Sa 19:​31-39—Liurai David hafolin Barzilai neʼebé apoia nia ho laran-metin no konvida Barzilai atu serbí nia, maibé Barzilai rekoñese ninia limitasaun tanba katuas ona

• Sal 71:​9, 18—Kuandu Liurai David taʼuk katak Jeová sei la uza tan nia tanba ninia idade, nia husu Jeová atu la soe hela nia maibé fó nia kbiit hodi bele konta kona-ba Jeová ba jerasaun tuirmai

• Lc 2:​36-38—Profeta Ana neʼebé faluk no idade ona hetan bensaun tanba serbí Jeová ho laran-metin

Ezemplu husi Bíblia:

• Gén 12:​1-4—Kuandu Abraão tinan 75, ninia moris troka tanba simu knaar husi Jeová

• Dan 10:​11, 19; 12:13—Kuandu Daniel tinan 90 liu, anju ida vizita nia hodi fó-hatene katak Jeová hafolin nia no sei fó kolen tanba ninia laran-metin

• Lc 1:​5-13—Liuhusi milagre Jeová haraik oan-mane ida ba Zacarias no Isabel maski sira idade ona

• Lc 2:​25-35—Simeão neʼebé idade ona hetan priviléjiu husi Jeová hodi haree bebé neʼebé ikusmai sei sai Mesias. Simeão hatoʼo profesia kona-ba bebé neʼe

• Aps 7:​23, 30-36—Moisés tinan 80 bainhira Jeová fó knaar ba nia atu dirije Ninia povu Izraél

Ezemplu husi Bíblia:

• Gén 45:​9-11; 47:12—José haruka lori ninia aman Jacob neʼebé idade ona hodi bele hela besik ho nia, no tau matan ba nia toʼo mate

• Rut 1:​14-17; 2:​2, 17, 18, 23—Rute ajuda Noemi neʼebé idade ona liuhusi ninia liafuan no hahalok

• Jo 19:​26, 27—Antes Jesus mate iha ai-riin, nia husu João atu tau matan ba ninia inan