Informasaun iha livru neʼe

Se ita sente susar atu tahan hasoru problema sira neʼebé ita iha, ita bele halo saida? Lisaun neʼe sei koʼalia kona-ba eskritura tinan ba 2018. Ita sei aprende tanbasá ita presiza forsa husi Jeová no oinsá mak Jeová fó forsa neʼe mai ita.

Komemorasaun ba Kristu nia mate sei monu iha loron-sábadu, 31 Marsu 2018. Oinsá mak ita bele prepara ba Memoriál neʼe? Oinsá mak ita bele hetan benefísiu hodi tuir komemorasaun neʼe? No oinsá mak Memoriál lori unidade ba Maromak nia povu iha fatin hotu? Ita sei buka-hatene resposta ba pergunta sira-neʼe husi lisaun neʼe.

Buat hotu neʼebé ita iha mai husi Jeová, no nia hakarak ita atu fó fali buat neʼebé ita iha ba nia liuhusi fó apoiu ba serbisu sira iha ninia organizasaun. Tanbasá? Ita sei hetan bensaun saida hodi hahiʼi nia ho ita-nia sasán neʼebé folin-boot? Lisaun neʼe sei hatán ba pergunta sira-neʼe.

Lisaun primeiru sei esplika kona-ba tansá domin neʼebé loos mai husi domin ba Maromak, laʼós domin neʼebé hanoin an hanesan baibain ema hatudu iha “loron ikus sira” neʼe. (2 Timóteo 3:1) Lisaun segundu sei esplika kona-ba tansá mak Maromak nia povu la hanesan ho ema barak ohin loron.