Informasaun iha livru neʼe

Ohin loron, ema barak hakarak buka naran-boot husi Satanás nia mundu. Lisaun neʼe sei koʼalia kona-ba tansá mak importante atu sai ema neʼebé Jeová hatene no simu. Ita mós sei koʼalia kona-ba oinsá mak Jeová hatudu katak nia hatene no simu ninia atan neʼebé laran-metin, no dala ruma liuhusi dalan neʼebé sira nunka hanoin.

Iha lisaun neʼe, ita sei haree tanbasá mak Moisés neʼebé laran-metin monu ba sala hodi lakon ninia priviléjiu atu tama ba rai neʼebé Maromak promete. Ita mós sei aprende oinsá mak ita bele hasees an hodi la halo sala neʼebé hanesan.

Ema hotu Jeová nian, tan neʼe ita tenke hatudu laran-metin ba nia. Ema balu dehan katak sira adora Maromak maibé la halo tuir nia. Iha lisaun primeiru ita sei aprende kona-ba Caim, Salomão, Moisés, no Aarão. Iha lisaun segundu, ita sei koʼalia kona-ba oinsá ita bele hatudu ba Jeová katak ita agradese tanba bele sai ninia povu.