Avizu

◼ Livru neʼebé fahe iha fulan-Abríl no Maiu: Livru Haklaken no Sedarlah! Ba ema neʼebé hatudu interese, fahe tratu Ita Hakarak Hatene Lia-loos ka lae? no koko atu komesa estuda Bíblia ho sira. Kuandu halo vizita fali ba ema neʼebé tuir Memoriál ka reuniaun seluk maibé seidauk tuir reuniaun hotu, hakaʼas an atu estuda Bíblia ho sira hodi uza livru Bíblia Hanorin? Fulan-Juñu: Tuir Loloos, Saida mak Bíblia Hanorin? Koko atu komesa estudu Bíblia iha vizita primeiru. Se hasoru ema neʼebé iha ona livru neʼe maibé lakohi komesa estuda Bíblia, haklaken-naʼin sei fahe Livru Haklaken ka broxura neʼebé iha informasaun diʼak ba ema neʼe. Fulan-Jullu no Agostu: Broxura Moris Hotu Mosu Mesak Deʼit ka lae?, Ita Bele Sai Maromak nia Belun! no Kuandu Ema neʼebé Ita Hadomi Mate. Kuandu halo vizita fali, koko atu komesa estudu Bíblia hodi uza livru Tuir Loloos, Saida mak Bíblia Hanorin? ka hodi uza broxura Rona ba Maromak ka Rona ba Maromak hodi Hetan Moris ba Nafatin.

◼ Iha semana antes halaʼo reuniaun boot ba loron tolu, kongregasaun sira bele halo mudansa uitoan ba programa ba reuniaun iha semana neʼe. Atu nuneʼe kongregasaun bele koʼalia fali informasaun no matadalan kona-ba tuir reuniaun boot. Fulan ida ka rua liutiha reuniaun boot, kongregasaun bele uza parte “Kongregasaun nia Presiza” atu koʼalia fali kona-ba informasaun husi reuniaun boot neʼebé haklaken-naʼin uza ona iha sira-nia serbisu haklaken.

◼ Se Ita halo planu atu tuir reuniaun boot ba loron tolu iha rai seluk, Ita bele hetan informasaun diʼak kona-ba neʼe iha ita-nia sítiu iha internét www.jw.org hodi klik “Lookup” depois “Conventions”.